აშშ-ის ყოფილმა სახელმწიფო მდივანმა ჰილარი კლინტონმა მოახდინა ლობირება თეთრ სახლში, რათა დაწყებულიყო საერთაშორისო მოლაპარაკებები რუსი პოლიტიკოსისა და ანტიკორუფციული ფონდის (FBK) ხელმძღვანელის, ალექსეი ნავალნის გაცვლაზე. ამის შესახებ წერს გაზეთი Wall Street Journal-ი, რომელიც აღნიშნავს, რომ ასეთი ლობირების თხოვნით ჰილარი კლინტონს მიმართა გამომძიებელმა ჟურნალისტმა და ალექსეი ნავალნის მეგობარმა ხრისტო გროზევმა, რასაც ყოფილი სახელმწიფო მდივანი დასთანხმდა. გაცვლის შესახებ ნავალნის მეუღლემ იულიამ არაფორმალურად მიმართა გერმანიის ხელისუფლებას, მაგრამ, WSJ-ის თანახმად, თავდაპირველად გერმანიის მთავრობაში მოსაზრებები გაიყო: საგარეო საქმეთა მინისტრი ანალენა ბერბოკი ეწინააღმდეგებოდა ნებისმიერ გარიგებას, გერმანიაში ადამიანის მკვლელობისთვის სამუდამო პატიმრობამისჯილი რუსული სპეცსამსახურების ოფიცრის, ვადიმ კრასიკოვის, მონაწილეობით. გარიგებაში კრასიკოვის ჩართვის აუცილებლობა, The Wall Street Journal-ის თანახმად, აიხსნება იმით, რომ ვაშინგტონს ამჟამად არ ჰყავს ადამიანები, რომელთა მიღებაც კრემლს შეიძლება სურდეს რუსეთში დაპატიმრებული ამერიკელების სანაცვლოდ. 2024 წლის მარტში გერმანიის კანცლერმა ოლაფ შოლცმა შესაძლო გაცვლა ფარულად განიხილა ვაშინგტონში ვიზიტის დროს, მაგრამ ნავალნის გარდაცვალების მომენტისათვის ქვეყნებს შორის საბოლოო გარიგება არ მომხდარა. ამერიკული გამოცემა აღნიშნავს იმასაც, რომ ოფიციალური შეთავაზება მოსკოვისთვის ასევე არ გაკეთებულა. გარიგების მიმდინარეობაზე ინფორმირებული ადამიანების თქმით, კრემლამდე შესაძლო გარიგების შესახებ ინფორმაცია კერძო შუამავლებმა მიიტანეს. ასევე ნახეთ agentstvonews: მისი სიკვდილის დღეს პუტინი ნავალნის გაცვლას განიხილავდა მანამდე გავრცელდა ცნობა, რომ რუსეთის პრეზიდენტი ვლადიმირ პუტინი ალექსეი ნავალნის გაცვლას განიხილავდა იამალის კოლონიაში მისი სიკვდილის დღეს. მოგვიანებით, რუსეთში საპრეზიდენტო არჩევნების შედეგების გამოცხადების დღეს, ვლადიმირ პუტინმა ეს ცნობა დაადასტურა. ასევე ნახეთ პუტინმა პირველად ახსენა ნავალნის გვარი და დაადასტურა, რომ განიხილავდა მის გაცვლას პუტინმა ოპოზიციის ლიდერის გარდაცვალებას "სამწუხარო მოვლენა" უწოდა და თქვა, რომ განიხილავდა ნავალნის გაცვლას იმ პირობით, თუ იგი რუსეთში აღარ დაბრუნდებოდა. პუტინის თქმით, ნავალნის დასავლეთის ქვეყნებში მყოფ ზოგიერთ პატიმარში გაცვლის იდეა შესთავაზა თავისი ადმინისტრაციის მიღმა მყოფმა „ზოგიერთმა კოლეგამ“. სხვა დეტალები პუტინს არ გაუმჟღავნებია. ალექსეი ნავალნის თანამებრძოლების ცნობით, ნავალნი ჩეჩენი სეპარატისტების ყოფილი საველე მეთაურის, საქართველოს მოქალაქე ზელიმხან ხანგოშვილის მკვლელობისთვის გერმანიაში მსჯავრდადებულ რუსეთის სპეცსამსახურების თანამშრომელ ვადიმ კრასიკოვში ...