საქართველოს სასაზღვრო პოლიციის მფრინავებმა ქვეყანაში ჩამოიყვანეს ახალი ფრანგული წარმოების ვერტმფრენი H145. ინფორმაციას ავრცელებს შინაგან საქმეთა სამინისტრო - უწყება, რომელმაც შვეულმფრენები შეიძინა. Airbus Helicopters H145 „აღნიშნული ტიპის შვეულმფრენები მაღალ სიმაღლეზე ოპერირებისა და მანევრის შესაძლებლობებით გამოირჩევა, რაც, საქართველოს მაღალმთიანი რელიეფის გათვალისწინებით, არსებულ ამოცანებთან სრულად თავსებადია“, - აცხადებენ შინაგან საქმეთა სამინისტროში. Airbus Helicopters H145 15 მარტამდე სასაზღვრო პოლიციის მფრინავებმა და ბორტტექნიკოსებმა თეორიული და პრაქტიკული მომზადება გერმანიაში, Airbus Helicopters-ის სასწავლო აკადემიაში, გაიარეს. ასევე ნახეთ შსს: საქართველოს ნაყიდი სამაშველო ვერტმფრენი გადმოეცა H145 მრავალფუნქციური შვეულმფრენია, რომელსაც შეუძლია შეასრულოს პოლიციური, სატრანსპორტო, სამძებრო და სამაშველო ფუნქციები. ახალი შვეულმფრენი დაკომპლექტებულია ხანძართან ბრძოლისა და სამთო-სამაშველო აღჭურვილობით. მას აქვს 2 ძრავა, რაც ზრდის ფრენის უსაფრთხოებას. შინაგან საქმეთა სამინისტრომ სამი ვერტმფრენის შეძენაზე Airbus Helicopters-თან ხელშეკრულება 2022 წლის დეკემბერში დადო - დოკუმენტს ხელს აწერენ საქართველოს სასაზღვრო პოლიციის უფროსი ნიკოლოზ შარაძე და Airbus Helicopters-ის წარმომადგენელი რომეინ ლანა. ასევე ნახეთ შსს ფრანგული წარმოების 3 შვეულმფრენს ყიდულობს სამი ვერტმფრენიდან ერთი 17 თვეში უნდა ჩამოსულიყო, მეორე - 19 თვეში, მესამე - 20 თვეში. ახალი შვეულმფრენების შეძენა სახელმწიფოს 26 500 000 ევრო უჯდება. ამავდროულად, შინაგან საქმეთა სამინისტრო Airbus Helicopters-ს 5 500 000 ევროს სანაცვლოდ გადასცემს AS332 L1e S/N 2833-ს ("სუპერ პუმას"), რომელიც წლების განმავლობაში გამოუყენებელია. ასევე ნახეთ გუდაურში სასაზღვრო პოლიციის ვერტმფრენი ჩამოვარდა - შსს ...