სომხეთმა დაბლოკა თავის ტერიტორიაზე რუსი პროპაგანდისტი ტელეწამყვანის, ვლადიმირ სოლოვიოვის გადაცემების ჩვენება. სომხეთის მიერ აკრძალული ორი საავტორო პროგრამა „საღამო ვლადიმირ სოლოვიოვთან“ და „კვირის საღამო ვლადიმირ სოლოვიოვთან“ რუსეთის სახელმწიფო ტელეკომპანია „რტრ პლანეტაზე“ გადის. სომხეთის „ტელერადიომაუწყებლობის ქსელის“ მიერ დღეს, 29 მარტს, გამოქვეყნებული ინფორმაციით, სოლოვიოვის გადაცემების ტრანსლირება დაიბლოკა რუსეთთან მასობრივი ტელეკომუნიკაციების სფეროში თანამშრომლობის შეთანხმების პირობების მუდმივად დარღვევისთვის. ეს დარღვევები სომხეთის კომუნიკაციების კომისიამ დაადგინა. საუბარია დარღვევაზე შეთანხმების იმ მუხლის, რომელიც გამორიცხავს ქვეყნის შიდა პოლიტიკაში ჩარევას და შეურაცხმყოფელი შინაარსის პროგრამების ტრანსლირებას. ასევე ნახეთ პროპაგანდისტმა სოლოვიოვმა ბელგოროდელებს მიმართა, „ხმა გაიკმინდონ" რადიო თავისუფლების სომხური სამსახურის ინფორმაციით, სომხეთის მთავრობამ რუსეთს ჯერ კიდევ თებერვალში გაუგზავნა საპროტესტო ნოტა მასობრივი ტელეკომუნიკაციების სფეროში თანამშრომლობის ორმხრივი შეთანხმების დარღვევის გამო და განაცხადა, რომ სომხეთის რესპუბლიკა არ მოითმენს გადაცემებს ისეთი შინაარსით, რომელიც შეურაცხყოფს სახელმწიფოს და ხალხის ღირსებას. სოლოვიოვმა სომხეთსა და მის ხელისუფლებაზე სიტყვიერი თავდასხმები დაიწყო მას შემდეგ, რაც 2023 წელს მთიან ყარაბაღზე აზერბაიჯანის კონტროლის სრულად აღდგენას სომხეთის მხრიდან მოჰყვა რუსეთის კრიტიკა სამოკავშირეო ვალდებულებების შეუსრულებლობის გამო. რამდენიმე კვირის წინ, სოლოვიოვი და კრემლის კიდევ ერთი პროპაგანდისტი მარგარიტა სიმონიანი რუსეთის ერთ-ერთ ტელეარხზე მსჯელობდნენ იმის შესახებ, რომ სომხეთსა და საქართველოსთან საზღვარი საერთოდ არ უნდა არსებობდეს. ასევე ნახეთ მოსკოვი ევროკავშირის მისიას სომხეთში ჯაშუშობაში ადანაშაულებს, ერევანი კი მანდატს უზრდის და რუსეთს კიდევ უფრო შორდება ...