რუსეთის ბელგოროდის რეგიონიდან, რომელიც უკრაინას ესაზღვრება, ხუთი ათასი ბავშვის ევაკუაცია მოხდა. ამის შესახებ რეგიონის გუბერნატორმა ვიაჩესლავ გლადკოვმა განაცხადა. გლადკოვი დარწმუნებულია, რომ ევაკუაციის წყალობით, ბავშვები გაიცნობენ თავიანთ ქვეყანას, ტრადიციებსა და ბუნებას - და "მშვენიერი შთაბეჭდილებები სამუდამოდ დარჩება მათთან". მთლიანობაში, მიმდინარე კვირის ბოლომდე ცხრა ათასამდე ბავშვის რეგიონიდან გაყვანა იგეგმება. გლადკოვმა ადრე გაავრცელა ცნობა, რომ რეგიონიდან ათასამდე მოზარდი იქნა ევაკუირებული. მან ასევე თქვა, რომ ბელგოროდის რეგიონის, ბელგოროდისა და იაკოვლევის საზღვრისპირა რაიონებში სკოლის მოსწავლეები დისტანციურ სწავლებაზე გადაიყვანეს. გარდა ამისა, გლადკოვის თანახმად, რეგიონში სავაჭრო ცენტრები გაიხსნება - თუ ისინი აგურით არის აშენებული, ფანჯრების მინები დამსხვრევის საწინააღმდეგო სპეციალური ფენით არის დაფარული და თანამშრომლებმა იციან პირველადი დახმარების გაწევა. ბოლო კვირების განმავლობაში, უკრაინაში რუსეთის შეჭრის საპასუხოდ, ბელგოროდის რეგიონი თითქმის ყოველდღიურად იბომბება და ხდება დრონებით თავდასხმა. რუსეთის ხელისუფლება თავდასხმებში უკრაინას ადანაშაულებს და ავრცელებს ინფორმაციას მათი მოგერიების შესახებ. არის ნგრევა და მსხვერპლი. კიევი ამაზე კომენტარს არ აკეთებს. ასევე ნახეთ უკრაინის საჰაერო ძალების ცნობით, დღევანდელი შეტევისას რუსეთმა 99 რაკეტა და დრონი გამოიყენა ასევე ნახეთ ბელგოროდში აფეთქების შედეგად დაზიანდა შსს ბელგოროდის ოლქის სამმართველოს შენობა ...