1 აპრილიდან გერმანიაში კანაფის ნაწილობრივ ლეგალიზების კანონი ამოქმედდა. ბერლინში, ბრანდენბურგის ჭიშკართან, ამ ნაბიჯის მომხრეები შუაღამის შემდეგ ზეიმობდნენ კანონის ამოქმედებას. როგორც dpa-ს კორესპონდენტი იტყობინება, ბრანდენბურგის ჭიშკართან შეკრებილი ასეულობით ადამიანი დემონსტრაციულად ეწეოდა მარიხუანას და ცეკვავდა რეგეის მუსიკაზე. ამიერიდან სრულწლოვანებს აქვთ უფლება, ატარონ 25 გრამი მარიხუანა ან ჰაშიში. აკრძალულია მისი მოხმარება არასრულწლოვანების თანდასწრებით, ასევე - სკოლებთან, საბავშვო ბაღებთან და სპორტულ ობიექტებთან. მწეველს შეუძლია შინ შეინახოს 50 გრამამდე კანაფის პროდუქტი. ამ ეტაპზე გერმანიაში კანაფის მომხმარებელთა წინააღმდეგ 100 ათასი საქმეა აღძრული, რაც, იუსტიციის მინისტრის, მარკო ბუშმანის თანახმად, იმას ადასტურებს, რომ კანაფის პოლიტიკამ არ იმუშავა. მისი აზრით, ამიერიდან სამართალდამცველებს და პოლიციას ტვირთი შეუმსუბუქდებათ. პოლიციის პროფკავშირი პირიქით ფიქრობს, რომ სამართალდამცველები ახლა მეტად დაიტვირთებიან, რადგან კანონში ყველაფერი ცხადი არ არის და ამასთან, პოლიცია არ არის სათანადოდ აღჭურვილი ახალი კანონის მოთხოვნების დასაკმაყოფილებლად, რაც კონტროლის დროს კონფლიქტებს გამოიწვევს. გერმანიის საზოგადოებაში კანაფის პოლიტიკის მიმართ სხვადასხვა მოსაზრება არსებობს. ამ ქვეყანაში მეზობელი სახელმწიფოებისგან განსხვავებით, დღემდე მკაცრი კანონი იყო. ასევე ნახეთ გერმანიის მთავრობა მარიხუანის ლეგალიზებასთან ერთად პროფილაქტიკური კამპანიის ჩატარებას გეგმავს Embed share 4/20 - კანაფის საერთაშორისო დღე თბილისში Embed share The code has been copied to your clipboard. width px height px Facebook-ზე გაზიარება   Twitter-ზე გაზიარება   The URL has been copied to your clipboard No media source currently available 0:00 0:05:32 0:00 გადმოწერა 240p | 15,6MB 360p | 27,1MB 480p | 53,1MB 720p | 87,1MB 1080p | 152,3MB ...