ათზე მეტი მედიაორგანიზაცია, რომლებიც სარედაქციო დამოუკიდებლობას დონორი ორგანიზაციებისგან მიღებული დაფინანსებით ინარჩუნებენ, აცხადებს, რომ არ დაუშვებენ ე.წ. აგენტების კანონის მიღებას. ამ მედიაორგანიზაციების ხელმძღვანელებმა „ქართული ოცნების“ მიბრუნება ამ კანონპროექტზე თავისუფალი სიტყვის ჩახშობად შეაფასეს. „რუსული კანონის მთავარი მიზანია დამოუკიდებელი საზოგადოებრივი და მედია ორგანიზაციების განადგურება, თავისუფალი სიტყვის ჩახშობა, ტოტალური კონტროლის დამყარება საზოგადოებრივ აზრზე, იმ მედიის გაქრობა, რომელიც ხელისუფლებას ამხელს კორუფციაში, ნეპოტიზმში, სიღატაკეში, ადამიანის უფლებების დარღვევაში, დაპირებების შეუსრულებლობაში“, - განაცხადა „მთის ამბების“ დამფუძნებელმა გელა მთივლიშვილმა. ასევე ნახეთ პრეზიდენტი: „ოცნებამ“ თავისი განაცხადი ძალიან მკაფიოდ გააკეთა - ევროპას უთხრა „არა“!.. მედიასაშუალებების ერთობლივი განცხადება სწორედ მან გააცნო ჟურნალისტებს. ერთობლივ განცხადებას უერთდებიან „ნეტგაზეთი“, „პუბლიკა“, „ტაბულა“, „მთის ამბები“, „სტუდია მონიტორი“ და ა.შ. „ქართული ოცნების“ მიერ ინიცირებული კანონი გარიყავს ჩვენს ქვეყანას ევროპული ოჯახისგან, ასამარებს დასავლურ მომავალს... ჩვენ არ დავუშვებთ რუსული კანონის მიღებას, ბოლომდე გავუწევთ წინააღმდეგობას და მოვუწოდებთ „ქართულ ოცნებას“ „შეწყვიტოს თავისუფლებაზე თავდასხმა“, - აცხადებენ ჟურნალისტები, რომლებიც ეწინააღმდეგებიან ე.წ. აგენტების კანონის მიღებას. три „ქართული ოცნება“ კვლავ გეგმავს ე.წ. აგენტების კანონის ინიციირებას. „ქართული ოცნების“ ცენტრალურ ოფისში 2 აპრილს გამართულ უმრავლესობის სხდომაზე მიღებული გადაწყვეტილება პარტიის აღმასრულებელმა მდივანმა მამუკა მდინარაძემ დღეს, 3 აპრილს, გააცნო საზოგადოებას. როგორც მდინარაძემ თქვა, ახალი კანონპროექტის ტექსტი ძველის ანალოგიური იქნება, ტერმინი „უცხოური გავლენის აგენტი“ კი შეიცვლება „უცხოური ძალის ინტერესების გამტარებელი ორგანიზაციით“. დეპუტატის თქმით, კანონი მიმდინარე სესიის ბოლომდე [ივნისის ბოლო პარასკევი] იქნება სამივე მოსმენით მიღებული. ასევე ნახეთ „ქართული ოცნება“ კვლავ აპირებს „აგენტების შესახებ“ კანონის მიღებას „ქართულმა ოცნებამ" 2023 წლის მარტში ვერ შეძლო „უცხოური აგენტების შესახებ" კანონის მიღება. პარლამენტმა „უცხოური გავლენის გამჭვირვალობის შესახებ" კანონპროექტი პირველი მოსმენით 2023 წლის 7 მარტს დაამტკიცა, საქართველოს საზოგადოების სხვადასხვა სფეროს წარმომადგენლების და ოპოზიციის პროტესტის და მოწოდებების მიუხედავად, უარი ეთქვა „რუსულ კანონზე“ და ევროპული პერსპექტივის დასამარებაზე. საპროტესტო აქციებზე ათობით მოქალაქემ სხვადასხვა სახის დაზიანება მიიღო. მათ შორის ერთ-ერთმა ცალ თვალში დაკარგა მხედველობა. „ქართ...