ოთხმა მოსამართლემ, რომლებიც დამოუკიდებელმა კომისიამ „მაღალი საზოგადოებრივი ინტერესისა და კორუფციის მაღალი რისკის“ გამო შეარჩია, წინააღმდეგია მათი ქონებრივი მდგომარეობა „ანტიკორუფციულმა ბიურომ“ შეამოწმოს. მოსამართლეებმა მიხეილ ჩინჩალაძემ, ლევან მურუსიძემ, სერგო მეთოფიშვილმა და ვასილ მშვენიერაძემ თბილისის საქალაქო სასამართლოს მიმართეს, გაუქმდეს ის დოკუმენტი, რომლის მიხედვითაც, დამოუკიდებელმა კომისიამ ისინი 300 საჯარო მოხელეს შორის შეარჩია შესამოწმებლად. მათმა კოლეგებმა, თბილისის საქალაქო სასამართლოს მოსამართლეებმა ლეილა ფოლადიშვილმა, ვალერიანე ფილიშვილმა, ნინო ბუაჩიძემ და ლელა მილდენბერგერმა (რომელთაც საქმე განსახილველად გადაეცათ), სასამართლოს გადაწყვეტილების მიღებამდე შეაჩერეს „ანტიკორუფციული ბიუროს“ დამოუკიდებელი კომისიის მიერ მიღებული გადაწყვეტილება. ასევე ნახეთ ღარიბაშვილი, პაპუაშვილი, თურნავა, ტურავა - შეისწავლიან კიდევ ასობით საჯარო მოხელის დეკლარაციებს დოკუმენტს, რომლითაც დასტურდება, რომ ეს ოთხი მოსამართლე თავიანთი დეკლარაციების შემოწმებაზე მიღებული დოკუმენტის ბათილად ცნობას ითხოვს, არასამთავრობო ორგანიზაცია „ინფორმაციის თავისუფლების განვითარების ინსტიტუტი“ (IDFI) აქვეყნებს.три „აღნიშნულმა პირებმა ბოროტად გამოიყენეს თავიანთი თანამდებობა, როგორც სასამართლოს თავმჯდომარეებმა და იუსტიციის უმაღლესი საბჭოს წევრებმა, რითაც ზიანი მიაყენეს სამართლის უზენაესობასა და საზოგადოების ნდობას საქართველოს სასამართლო სისტემის მიმართ“, - ეწერა აშშ-ის სახელმწიფო მდივან ბლინკენის განცხადებაში, რომელიც 2023 წლის 5 აპრილს გამოქვეყნდა. ასევე ნახეთ აშშ-მა საქართველოს 4  მოსამართლეს სანქციები დაუწესა გარდა ამისა, იმ შემთხვევაში, თუ საქართველოს ხელისუფლება დათანხმდება ევროკავშირისგან გაცემული 9 პირობიდან მე-6 პირობის შესრულებას, რომელიც, მათ შორის, ითვალისწინებს მოსამართლეთა კეთილსინდისიერების შემოწმებას, ამ ოთხიდან სამი მოსამართლე დაექვემდებარება ამ წესით შემოწმებას. ასევე ნახეთ ყველაფერი ვეტინგზე: როგორ უნდა გაიწმინდოს სისტემა არაკეთილსინდისიერი მოსამართლეებისგან მოსამართლეთა დიდი ნაწილი და მმართველი პარტიაც ე.წ. ვეტინგის წინააღმდეგია. დამატებით, რამდენიმე დღის წინ პარტია „ქართული ოცნების“ აღმასრულებელმა მდივანმა მამუკა მდინარაძემ აშშ-ს მიმართა, გაუუქმოს სანქციები მოსამართლეებს. ასევე ნახეთ საპარლამენტო უმრავლესობა აშშ-ის საელჩოს მიმართავს, მოეხსნათ მოსამართლეებს სანქციები ...