საქართველოს პარლამენტის თავმჯდომარე შალვა პაპუაშვილი ე.წ. აგენტების კანონის ხელახლა ინიციირებისა და მიღების სურვილს ქვეყნის უსაფრთხოების საკითხებით ხსნის. ამაზე მან პარლამენტში ილაპარაკა, როცა ჟურნალისტებმა ჰკითხეს, ამ კანონპროექტის ხელახალი ინიციირება ხელს ხომ არ შეუშლის ქვეყნის ევროინტეგრაციას. „რა გამოდის, რომ ჩვენი უსაფრთხოების დაცვა არ არის ევროპული საქციელი?! - ანუ ის, რასაც აკეთებს საფრანგეთი, დიდი ბრიტანეთი, ის, რასაც აკეთებს ევროპარლამენტი და ევროკავშირი ახლა, როდესაც დირექტივას იღებენ. იგივე მიდგომა რომ ჩვენც გვქონდეს, ეს არ არის ევროპული?.. ეს მხოლოდ ჩვენ, ქართველ ხალხმა, შეგვიძლია განვსაჯოთ, რა არის მნიშვნელოვანი ჩვენი უსაფრთხოებისთვის ამ გეოპოლიტიკურ სივრცეში, სადაც საფრთხეები ყველა მხრიდანაა, ფაქტობრივად, მათ შორის, სხვადასხვა სახის - ეს არის არა მხოლოდ პოლიტიკური, არამედ ეკონომიკური უსაფრთხოების საკითხიც“, - თქვა შალვა პაპუაშვილმა. გუშინ, 4 აპრილს კი, საქართველოში შემომავალი ფულადი წყაროების შესახებ მედიასთან ისაუბრა საპარლამენტო უმრავლესობის ლიდერმა მამუკა მდინარაძემ. „ნებისმიერი სხვა ქვეყნის თანხა, საიდანაც არ უნდა მოდიოდეს, ეს იქნება მეგობრული თუ არამეგობრული სახელმწიფო... მაგალითად, რუსეთთან დაკავშირებით იმის გამო, რომ იქ მკაფიო პოზიცია გვაქვს, რადგან არის ოკუპანტი... ვერ შემოდის ისეთი თანხა, გადაკეტილია ყველაფერი. ერთი რაღაცა იყო და ისიც გადაკეტილია“, - თქვა მამუკა მდინარაძემ. ასევე ნახეთ პრეზიდენტი: „ოცნებამ“ თავისი განაცხადი ძალიან მკაფიოდ გააკეთა - ევროპას უთხრა „არა“!.. საპარლამენტო უმრავლესობამ 3 აპრილს პარლამენტში ოფიციალურად დაარეგისტრირა ე.წ. აგენტების შესახებ კანონი. „უცხოური გავლენის გამჭვირვალობის შესახებ“ კანონპროექტზე "ქართულმა ოცნებამ" იმთავითვე განმარტა, რომ მასში ზუსტად იგივე ტექსტია, როგორც შარშან ინიციირებულ კანონპროექტში, მხოლოდ ერთი განსხვავებით - ნაცვლად ტერმინისა „უცხოური გავლენის აგენტი“, გამოყენებულია „უცხოური ძალის ინტერესების გამტარებელი ორგანიზაცია“. „ქართული ოცნების“ კანონპროექტის თანახმად, მთავრობისგან დამოუკიდებელი ორგანიზაციები, რომელთა უმეტესობის დეკლარირებული მიზანი ქვეყანაში დემოკრატიული ღირებულებების, ადამიანის უფლებების დაცვისა და რეფორმების ხელშეწყობაა, იმის გამო, რომ დაფინანსების 20%-ზე მეტს უცხოეთიდან იღებენ, „უცხოური ძალის ინტერესების გამტარებლად“ მოინიშნებიან სახელმწიფოს მიერ. არასამთავრობო ორგანიზაციებს სახელმწიფო მოსთხოვს, თავად თქვან, რომ „უცხოური ძალის ინტერესების გამტარებლები“ არიან, - და ამ სახელდებით დარეგისტრირებას აიძულებს საჯარო რეესტრში. ამის შემდეგ ორგანიზაცია ვალდებული იქნება, წარადგინოს საფინანსო დეკლარაცია/განაცხადი. რუსეთის ფედერაციაში ასეთი...