დიდუბის რაიონში მრავალსართულიანი საცხოვრებელი კორუსის ის ორი სადარბაზო, სადაც სამი კვირის წინ აფეთქება მოხდა, საცხოვრებლად ამ ეტაპზე უვარგისია. ამის შესახებ წერია თბილისის მერიის დაკვეთით მომზადებულ ექსპერტიზის დასკვნაში.три „კორპუსის II და III სადარბაზოების ტექნიკური მდგომარეობა არადამაკმაყოფილებელია, სადარბაზოების მდგრადობა არ არის უზრუნველყოფილი და ექსპლუატაციისათვის დროებით უვარგისია... I და IV სადარბაზოების ტექნიკური მდგომარეობა დამაკმაყოფილებელია, თუმცა სეისმურ ნორმებთან შეუსაბამო - [ეს ორი] სადარბაზოი ექსპლუატაციისათვის ვარგისია“, - წერია სამხარაულის ეროვნული საექსპერტო ბიუროს მომზადებულ დასკვნაში. ასევე ნახეთ „მეგონა „ისკანდერი“ გვესროლეს“ -  რას ჰყვებიან სამტრედიის ქუჩაზე? ექპერტები მოსალოდნელი საფრთხეების გამო თბილისის მერიას რამდენიმე რეკომენდაციით მიმართავენ: რეაბილიტაციის დაწყებამდე, დაზიანებული კედლის მხარეს უმოკლეს დროში მოეწყოს დროებითი საყრდენები; საყრდენების დამაგრების პროცესში მუდმივად აკვირდებოდნენ კორპუსს, საფრთხის აღმოჩენის შემთხევაში კი სამუშაოები შეჩერდეს; გამაგრების პროცესში შეიზღუდოს დარტყმითი სამუშაოები. ფოტო არქივიდან: 14 მარტი, დიდუბის რაიონი - კორპუსი, სადაც აფეთქება მოხდა დიდუბის რაიონის გამგეობა ეყრდნობა ექსპერტიზის ამ დასკვნას და შესყიდვების სააგენტოსგან ამ კორპუსის გამაგრება/რეაბილიტაციის სამუშაოების მოკლე დროში დასაწყებად კონტრაქტორის ტენდერის გარეშე შერჩევისთვის ნებართვას ითხოვს. სამუშაოები, ჯამში, 3,4 მილიონი ლარი უნდა დაჯდეს, კონტრაქტორს კი 300-დღიანი ვადა ექნება. ...