აშშ-ის სახელმწიფო დეპარტამენტი ისევ შეშფოთებას გამოხატავს "ქართული ოცნების" მიერ "აგენტების კანონის" ხელახლა ინიციირების გამო. 8 აპრილს გამართულ ბრიფინგზე პრესსპიკერი მეთიუ მილერი ამბობს, რომ თუკი კანონპროექტი დამტკიცდება, საქართველო ევროპულ გზას ასცდება. ამასთან, იგი აღნიშნავს, რომ ჯერ არ ისაუბრებს იმაზე, თუ რა ნაბიჯებს გადადგამს შეერთებული შტატები კანონპროექტის დამტკიცების შემთხვევაში. "ჩვენ მკაფიოდ ვთქვით განცხადებაში, რომ ღრმად შეშფოთებული ვართ. თუკი ის ამოქმედდება, დააზიანებს სამოქალაქო საზოგადოების ორგანიზაციებს, რომლებიც ქართველი ხალხის ცხოვრების გაუმჯობესებაზე მუშაობენ. ის საქართველოს თავისი ევროპული გზიდან ააცდენს. ეს კანონი შეაფერხებს დამოუკიდებელი მედიაორგანიზაციების ფუნქციონირებას, რომლებიც მუშაობენ, რათა საქართველოს მოქალაქეებს ხარისხიან ინფორმაციაზე წვდომა ჰქონდეთ. ის ჯერ კიდევ კანონპროექტია, არ დამტკიცებულა. ასე რომ, ნებისმიერ პოტენციურ შედეგსა თუ ჩვენი მხრიდან გადადგმულ ნაბიჯზე დღეს არ ვისაუბრებ", - ამბობს მილერი. ჟურნალისტ ალექს რაუფოღლუს დამაზუსტებელ კითხვას, საუბარია თუ არა კანონპროექტის მხარდამჭერი დეპუტატების სანქცირებაზე? - პრესსპიკერმა ასე უპასუხა: "ახლა ჩვენ მკაფიოდ ვამბობთ, რომ შეშფოთებული ვართ ამ კანონპროექტით. რაც შეეხება იმას, რისი გაკეთება შეგვიძლია, თუ პროცესი წინ წავა, დაგვაკვირდეთ. დღეს სათქმელი არაფერი მაქვს". ასევე ნახეთ კომიტეტმა 15 აპრილამდე გადადო ე.წ. აგენტების კანონის განხილვის დაწყება „ქართულმა ოცნებამ“ 3 აპრილს გამოაცხადა, რომ კვლავ გეგმავს ე.წ. აგენტების კანონის ინიციირებას. ამ კანონის მიღების მცდელობამ 2023 წლის მარტში მასობრივი საპროტესტო აქციები გამოიწვია. საბოლოოდ, მმართველმა პარტიამ კანონპროექტი გაიწვია. 3 აპრილს ბრიფინგზე პარტიის აღმასრულებელმა მდივანმა მამუკა მდინარაძემ თქვა, რომ კანონის გაწვევის მიუხედავად, არასამთავრობო ორგანიზაციების „ანტისახელმწიფოებრივ ქმედებებზე და მათ რადიკალურ პოლიტიკურ დღის წესრიგზე დღემდე არცერთ მათ დამფინანსებელს არ აუღია პასუხისმგებლობა“. როგორც მდინარაძემ განაცხადა, ახალი კანონპროექტის ტექსტი ძველის ანალოგიური იქნება, ტერმინი „უცხოური გავლენის აგენტი“ კი შეიცვლება „უცხოური ძალის ინტერესების გამტარებელი ორგანიზაციით“. საქართველოს პრეზიდენტმა სალომე ზურაბიშვილმა „აგენტების კანონს“, მმართველი გუნდის მტკიცების საწინააღმდეგოდ, „რუსული კანონი“ უწოდა, ხოლო „ქართული ოცნების“ ხელისუფლება რუსული მიმართულების გატარებაში დაადანაშაულა. ასევე ნახეთ 400-ზე მეტი NGO და მედიასაშუალება: ე.წ. აგენტების კანონის მიღება შეუძლებელს გახდის ევროკავშირთან მოლაპარაკებების გახსნას ასევე ნახეთ მედიასაშუალებების გა...