ლიეტუველი ევროპარლამენტარი პეტრას აუსტრევიჩუსი გამოეხმაურა "აგენტების კანონის" გასაპროტესტებლად 9 აპრილს თბილისში გამართულ "თავისუფლების მარშს": "ვულოცავ საქართველოს მოქალაქეებს, რომლებიც იცავენ თავიანთ უფლებას, იყვნენ ევროპელები", - წერს იგი სოციალურ ქსელ X-ში. три 9 აპრილს თბილისის ცენტრალურ ქუჩაზე, რუსთაველის გამზირზე - პირველი რესპუბლიკის მოედნიდან საქართველოს პარლამენტის შენობამდე - „თავისუფლების მარში“ გაიმართა, რომელშიც სამოქალაქო აქტივისტები, მედიასაშუალებებისა და არასამთავრობო ორგანიზაციების წარმომადგენლები იღებდნენ მონაწილეობას. ისინი აპროტესტებდნენ მმართველი პარტიის მიერ ე.წ. აგენტების კანონის ინიციირებას საქართველოს პარლამენტში. „ქართულმა ოცნებამ“ 3 აპრილს გამოაცხადა, რომ კვლავ გეგმავს ე.წ. აგენტების კანონის ინიციირებას. ამ კანონის მიღების მცდელობამ 2023 წლის მარტში მასობრივი საპროტესტო აქციები გამოიწვია. საბოლოოდ, მმართველმა პარტიამ კანონპროექტი გაიწვია. 3 აპრილს ბრიფინგზე პარტიის აღმასრულებელმა მდივანმა მამუკა მდინარაძემ თქვა, რომ კანონის გაწვევის მიუხედავად, არასამთავრობო ორგანიზაციების „ანტისახელმწიფოებრივ ქმედებებზე და მათ რადიკალურ პოლიტიკურ დღის წესრიგზე დღემდე არცერთ მათ დამფინანსებელს არ აუღია პასუხისმგებლობა“. როგორც მდინარაძემ განაცხადა, ახალი კანონპროექტის ტექსტი ძველის ანალოგიური იქნება, ტერმინი „უცხოური გავლენის აგენტი“ კი შეიცვლება „უცხოური ძალის ინტერესების გამტარებელი ორგანიზაციით“. საქართველოს პრეზიდენტმა სალომე ზურაბიშვილმა „აგენტების კანონს“, მმართველი გუნდის მტკიცების საწინააღმდეგოდ, „რუსული კანონი“ უწოდა, ხოლო „ქართული ოცნების“ ხელისუფლება რუსული მიმართულების გატარებაში დაადანაშაულა. ასევე ნახეთ რას ცვლის აგენტის "უცხოური ძალის ინტერესების გამტარებლად" შეცვლა? ასევე ნახეთ პრეზიდენტი: 8 აპრილს რუსული კანონის შეტანა პარლამენტში არის მათი დამარცხების ნიშანი ასევე ნახეთ "საქართველოს ევროპული გზიდან ააცდენს" - სახელმწიფო დეპარტამენტი "აგენტების კანონზე" ...