20-ზე მეტი არასამთავრობო ორგანიზაცია განცხადებით ეხმაურება ტვ პირველის მიერ გავრცელებულ აუდიო ჩანაწერს, რომლის მიხედვითაც საჯარო მოხელე აჭარიდან მასზე დაქვემდებარებულ თანამშრომლებს სთხოვს ხელისუფლების პროპაგანდისტული ინფორმაციის გავრცელებას სოციალურ ქსელებში. ამ ჩანაწერის ავთენტურობა, სადაც ტვ პირველის მტკიცებით, ბაღების გაერთიანების სააგენტოს ხელმძღვანელის, ია ხალვაშის ხმა ისმის, დადგენილი არ არის, თუმცა ხალვაშის ფეისბუკზე მართლაც არაერთი პროპაგანდისტულ მასალას ნახავთ, რომელსაც საბავშვო ბაღებში დასაქმებულები აზიარებენ. "ახლა რაც ჩავაგდე აქ, ეს ყველამ, აბსოლუტურად ყველამ, თქვენი ბაღების ყველა თანამშრომელმა უნდა გააზიაროთ ფეისბუქ გვერდზე… ყველა თანამშრომელმა! მე მივადევნებ თვალყურს, დარაჯებზე და იმაზე არ მაქვს ლაპარაკი… ვისაც აქვს სოციალური ქსელი ყველამ უნდა გადაამრავლოს და გადააზიაროს", - ისმის ტვ პირველის შაბათის ეთერის გავრცელებულ აუდიოჩანაწერში. ია ხალვაშის ამ პოსტს ასობით გაზიარება აქვს - მას ძირითადად საჯარო მოხელეები აზიარებენ "ჩანაწერი კიდევ ერთხელ ადასტურებს ხელისუფლების მიერ საჯარო სამსახურში დასაქმებულებზე ზეწოლას, რათა მათ პარტიული დავალებები შეასრულონ და, მათ შორის, ევროინტეგრაციის დამაზიანებელი დეზინფორმაცია გაავრცელონ, რაც შეურაცხყოფს საჯარო მოსამსახურეებს, ლახავს მათ ღირსებას და ეწინააღმდეგება საჯარო სამსახურის პოლიტიკური ნეიტრალიტეტის პრინციპს. დღეს, როდესაც საქართველო მნიშვნელოვან გზაგასაყარზე კიდევ ერთხელ აღმოჩნდა, ხელისუფლება მათ სამსახურებრივი ვალდებულების ნაცვლად, პარტიული დავალებების შესრულებას აიძულებს. საჯარო სექტორში დასაქმებულებისგან ითხოვენ, იმოქმედონ საქართველოს ევროპული მომავლის წინააღმდეგ და სოციალურ ქსელებში ორგანიზებულად აზიარონ ,,ქართული ოცნების” მიერ შექმნილი, ანტიდასავლური გზავნილებით სავსე პროპაგანდისტული ვიზუალები" - ნათქვამია არასამთავრობო ორგანიზაციების განცხადებაში. ორგანიზაციები საჯარო მოხელეებს მუუწოდებენ არ დაემორჩილონ უკანონო ბრძანებას და თუკი ამის გამო პრობლემები შეექმნებათ, სთავაზობენ სამართლებრივ დახმარებას. ასევე ნახეთ საჯარო მოხელე ვარ. აგენტების კანონს არ ვეთანხმები. რა ვქნა, თუ გაზიარებას დამავალებენ? ია ხალვაში ძირითადად იზიარებს ქართული ოცნების დეპუტატის, დიტო სამხარაძის კონტენტს, რომელიც მმართველი პარტის რეგიონული ოფისების კოორდინაციაზეა პასუხისმგებელი და გამოირჩევა სიძულვილის ენის გამოყენებით და ოპონენტების შეურაცხყოფით საჯარო მოხელეები კამპანიურად აზიარებენ ერთგვაროვან პროპაგანდისტულ ინფორმაციას აზიარებენ სოციალურ ქსელებში მას შემდეგ, რაც "ქართულმა ოცნებამ" პარლამენტში განსახილველად დააბრუნა "რუსულ კანონად" წოდებული &qu...