შეხვედრის მიზანი "რუსულ კანონად" წოდებული "აგენტების კანონის" წინააღმდეგ მობილიზაცია იყო - საქართველოს პარლამენტი ამ კანონის განხილვას, რომელიც 2023 წლის მარტში ხალხმრავალი აქციების ფონზე გაიწვიეს, 15 აპრილს იწყებს. ამავე დღეს მოქალაქეები საპროტესტო აქციას გეგმავენ საკანონმდებლო ორგანოსთან. "დღევანდელ დღეს ჩვენ კიდევ ერთხელ ვდგავართ გზის გასაყარზე, ან ავირჩევთ მომავალს ევროპასთან ერთად, ღირსებით ცხოვრებას, თანასწორობას, ურთიერთდახმარებას, საბოლოოდ შეიძლება ითქვას ბედნიერებას, ან წავალთ ისევ საბჭოთა წარსულში, სადაც იყო გაუტანლობა, ერთმანეთის სიძულვილი და ასე შემდეგ, რაც მთავარია ადამიანი, როგორც პიროვნება საერთოდ არ არსებობდა. იყო ერთი დიდი ხელისუფლება ძალმომრეობაზე დამყარებული და ის ანადგურებდა ადამიანს და პიროვნებას და დღეს კიდევ ერთხელ ამის წინაშე აღმოვჩნდით. ეს კანონი კიდევ ერთი ნაბიჯია უკან წასასვლელად და არ გვინდა უკან წასვლა, გვინდა მომავალი. Მომავალი არის ჩვენი გზა ევროპისკენ" - უთხრა რადიო თავისუფლებას შეხვედრის ერთ-ერთმა მონაწილემ, რეჟისორმა, ყოფილმა დიპლომატმა, ლანა ღოღობერიძემ. три „ხვალ, ამ კანონპროექტის განხილვის დაწყებით, საქართველოს პარლამენტი იწყებს ევროკავშირზე უარის თქმის კანონპროექტის ინიცირებას. ჩვენს ევროპულ მომავალზე უარის თქმის კანონია ის კანონპროექტი, რომელსაც ხვალ პარლამენტი განიხილავს. თითოეული მოქალაქის მოვალეობაა ევროპული მომავლის და ამ ქვეყნის დაცვა. ხვალ უყრიან კენჭს კომიტეტზე უნდა გახდეს თუ არა ევროკავშირი საქართველოს მტერი, ვისაც ევროკავშირთან ურთიერთობა აქვს, უნდა გახდეს თუ არა ამ ქვეყნის მტერი და აგენტი“, - უთხრა ნინო ლომჯარიამ შეხვედრის დამსწრეებს. "[2023 წლის მარტის აქციების შემდეგ] ჩვენი ევროპელი მეგობრები გვეუბნებოდნენ, რომ ყველაზე დიდი რეფორმა, რომელიც საქართველომ ჩაატარა, იყო ნანა მალაშხიას დროშა, რომელიც ფრიალებდა წყლის ჭავლის წინ, საქართველოს პარლამენტთან შარშან" - ეს "დემოკრატიის მცველების" ხელმძღვანელი, იურისტი გიორგი მშვენიერაძეა, რომელმაც შეხვედრის მონაწილეებს შეახსენა, რომ "აგენტების კანონის" მსგავსი კანონები მხოლოდ დამარცხებულ საზოგადოებაში მოქმედებებს და ამ კანონის წინააღმდეგ ბრძოლა რეალურად არის ბრძოლა საზოგადოების განვითარებისთვის. მისი თქმით, საქართველოს მთავრობას ამ კანონის განხილვის მეორედ დაბრუნებისას დაახლოებით იმის მსგავსი ილუზია ჰქონდა, რაც რუსეთს, როცა კიევზე თავდასხმას ამზადებდა და ვარაუდობდა, რომ უკრაინის დედაქალაქს სამ დღეში აიღებდა. ასევე ნახეთ არასამთავრობოები გავრცელებულ აუდიოჩანაწეზე - ღირსების შემლახავია საჯარო მოხელეებზე ზეწოლა „ქართულმა ოცნებამ“ 3 აპრილს გამოაცხადა, რომ კვლავ გეგმავს ე.წ. აგენტების კანონის ი...