ამის შესახებ კვირას განაცხადა აშშ-ის ეროვნული უსაფრთხოების საბჭოს წარმომადგენელმა ჯონ კირბიმ პასუხად შეკითხვაზე, დაუჭერს თუ არა ვაშინგტონი მხარს ირანზე ისრაელის შესაძლო დარტყმას ისრაელზე იმ უპრეცედენტო თავდასხმის საპასუხოდ, რომელიც ირანმა 14 აპრილის ღამეს განახორციელა ასობით კამიკაძე დრონისა და რაკეტის გამოყენებით. მანამდე ამერიკულმა მედიამ თეთრი სახლის ანონიმ მაღალჩინოსნებზე დაყრდნობით გაავრცელა ინფორმაცია, რომ აშშ-ის პრეზიდენტმა ჯო ბაიდენმა ისრაელის პრემიერ-მინისტრ ბენიამინ ნეთანიაჰუსთან საუბარში განაცხადა, რომ შეერთებული შტატები არ მიიღებს მონაწილეობას ირანის წინააღმდეგ რაიმე შეტევით ოპერაციებში. ამავე დროს, ბაიდენმა დაარწმუნა ნეთანიაჰუ, რომ შეერთებული შტატები კვლავაც მზად არის დაიცვას ისრაელი. წუხელ აშშ ისრაელის თავდაცვის არმიასთან ერთად მონაწილეობდა ისრაელზე თავდასხმის მოგერიებაში, რომლის დროსაც განადგურდა ირანიდან გაშვებული კამიკაძე დრონებისა და რაკეტების 99%. ამასთან, მათი უმრავლესობა - ისრაელის საზღვრებს გარეთ. ასევე ნახეთ ისრაელის არმიამ განაცხადა, რომ ქვეყნის საჰაერო სივრცის გარეთ 100-ზე მეტი დრონი ჩამოაგდეს ირანი იმუქრება, რომ მზადაა დაარტყას აშშ-ის სამხედრო ბაზებს, თუკი ისრაელი თავდასხმით უპასუხებს მის საჰაერო სამხედრო თავდასხმას ისრაელზე, რომლის დროსაც ირანმა 300-ზე მეტი დრონი და რაკეტა გაუშვა ისრაელის საწინააღმდეგოდ. "ჩვენი პასუხი ბევრად უფრო დიდი იქნება, ვიდრე ამღამინდელი სამხედრო მოქმედება, თუ ისრაელი ირანს პასუხს გასცემს", - თქვა ირანელმა გენერალმა მუჰამედ ბაღერიმ ირანულ სამთავრობო ტელევიზიაში, ისრაელზე თავდასხმის პარალელურად. მან ხაზგასმით აღნიშნა, რომ თეირანმა შეერთებული შტატები უკვე გააფრთხილა, რომ ისრაელის საპასუხო ქმედებების შემთხვევაში, მიზანში ამერიკულ ბაზებს ამოიღებენ. ასევე ნახეთ ირანი საპასუხო თავდასხმის შემთხვევაში აშშ-ს ბაზებზე შეტევით იმუქრება გენერალ ბაღერის გარდა, თავდასხმაზე პასუხით იმუქრება "ირანის ისლამური რევოლუციის გუშაგთა კორპუსის" მეთაური ჰოსეინ სალამიც. აშშ-ის პრეზიდენტის ინიციატივით დაგეგმილია "დიდი შვიდეულის" (G7) ლიდერების შეკრებაც, იმისათვის, რომ "შვიდეულის" წევრმა ქვეყნებმა განიხილონ ისრაელზე თავდასხმა. ...