რუსი ულტრანაციონალისტი იდეოლოგი, ანტიგლობალისტი ფილოსოფოსი ალექსანდრ დუგინი აქებს საქართველოს ხელისუფლებას, რომელიც „აგენტების კანონის“ მიღებას დაჟინებით ცდილობს. „საქართველო სწორ გზაზეა, სურს სუვერენიტეტი, მეხუთე კოლონის განადგურება, ჩვენ დავდექით ამ გზაზე და დადებითი ეფექტი სახეზეა, თუმცა ეს მხოლოდ დასაწყისია და კენწეროს ვურტყამთ, რამდენი ლიბერალური აგენტურა დარჩა საზოგადოების სიღრმეებში, ელიტაში, ჩინოვნიკებში, განათლებაში, კულტურაში, ბიზნესში. მთელი ავგიას თავლა. ღვთის წყალობით, ჩვენ მათ გავწმენდთ“, - განაცხადა დუგინმა. ასევე ნახეთ ალეკო ელისაშვილმა მამუკა მდინარაძეს სახეში მუშტი ჩაარტყა მან საკუთარ ტელეგრამ-არხზე გააზიარა კადრები საქართველოს პარლამენტის იურიდიულ საკითხთა კომიტეტის სხდომიდან, სადაც „მოქალაქეების“ ლიდერმა ალეკო ელისაშვილმა ტრიბუნასთან მყოფ საპარლამენტო უმრავლესობის ლიდერს მამუკა მდინარაძეს სახეში ჩაარტყა. დუგინმა, აგრეთვე, დაწერა, რომ „საქართველოს სჭირდება სტალინი. წინააღმდეგ შემთხვევაში გლობალისტური სიბინძურე და ქართველი ხალხის სირცხვილი გაანადგურებს ამ მშვენიერ ქვეყანას“. დღეს, 15 აპრილს, საქართველოს პარლამენტის იურიდიულ კომიტეტზე დაიწყო ე.წ. აგენტების კანონის განხილვა. საქართველოს პარტნიორი ქვეყნებისა და ორგანიზაციების შეფასებით, ეს კანონი ხელს შეუშლის ქვეყნის ევროინტეგრაციას, მმართველი პარტია კი ამტკიცებს, რომ ის ევროპულია და უცხოური ძალის გამტარებელთა გამოვლენას ემსახურება. ასევე ნახეთ სრული სიმართლე „აგენტების კანონზე“ პარლამენტის შენობის გარეთ მოქალაქეები აპროტესტებენ „უცხოური გავლენის გამჭვირვალობის შესახებ“ კანონპროექტის განხილვას, რომელსაც რუსულ კანონს უწოდებენ. რუსეთში 2012 წელს მიღებული და წლების განმავლობაში დამძიმებული მსგავსი კანონი სამოქალაქო საზოგადოების და მედიის დევნის საფუძველი გახდა. საქართველოში საპარლამენტო უმრავლესობა 2023 წლის მარტში ხალხმრავალი აქციებისა და საერთაშორისო კრიტიკის გამო იძულებული გახდა „უცხოეთის აგენტების კანონი“ ჩაეგდო და პირობა დადო, რომ პროექტს აღარ დაუბრუნდებოდა. „ქართულმა ოცნებამ“ კანონპროექტი 2024 წლის 3 აპრილს დააბრუნა პარლამენტში. ტერმინი „უცხოური გავლენის აგენტი“ პროექტში მან „უცხო ძალის ინტერესების გამტარებელი ორგანიზაციით“ ჩაანაცვლა. ...