17 აპრილს გერმანიის საგარეო საქმეთა მინისტრი, ანალენა ბერბოკი და მისი ბრიტანელი კოლეგა, დევიდ კემერონი ისრაელში ჩავიდნენ კრიზისული დიპლომატიურ მოლაპარაკებისთვის. კემერონი ემხრობა ირანის ამასწინანდელ საპასუხო თავდასხმაზე ისრაელის აწონდაწონილ რეაგირებას. მან იმედი გამოთქვა, რომ ისრაელის პასუხი იქნება „გონივრული და ამასთან მძაფრი“. სირიაში, დამასკში, ირანის საელჩოზე იერიშს, რასაც ირანის მაღალი რანგის ოფიცრები ემსხვერპლნენ, თეირანი ისრაელს ადანაშაულებს. დიპლომატიურ ობიექტზე თავდასხმის საპასუხოდ ირანმა დრონებითა და რაკეტებით მიიტანა იერიში ისრაელზე, რის საპასუხოდაც ისრაელის ოფიციალური პირები ირანზე მძაფრ თავდასხმას აპირებენ. ისრაელის მოკავშირეები შიშობენ, რომ ამას შეიძლება ძალადობის სპირალის განვითარება მოჰყვეს და თავშეკავებისკენ მოწოდებით გამოდიან. ირანის დრონებისა და რაკეტების დიდი უმეტესობა მისი ანტისარაკეტო თავდაცვის და მისი მოკავშირეების, პირველ რიგში, აშშ-ის მიერ იქნა გაუვნებლებული. კემერონი თვლის, რომ უმნიშვნელოვანესია ყურადღება მძევლების განთავისუფლებაზე, ღაზის სექტორში ჰუმანიტარული დახმარების შეტანაზე და იქ ცეცხლის შეწყვეტის მიღწევაზე. მისი თქმით, აპირებს ამის შესახებ ისაუბროს ისრაელის მთავრობასთან და პალესტინელთა ავტონომიის ხელმძღვანელობასთან. ბერბოკმა და კამერონმა ერთად გამართეს შეხვედრა ისრაელის პრეზიდენტ, იცხაკ ჰერცოგთან. ჰერცოგმა საუბრისას მოუწოდა საერთაშორისო თანამეგობრობას, ერთად აღუდგენ წინ ირანს. ანალენა ბერბოკი შეხვდა ასევე თავის კოლეგა ისრაელ კატცს და ისრაელის პრემიერ-მინისტრს, ბენიამინ ნეთანიაჰუს. ცნობით, ანალენა ბერბოკი შეეხო ასევე ღაზის სექტორში მშვიდობიანი მოსახლეობის კრიტიკულ მდგომარეობას. ბოლო თვეებში მან არაერთხელ მოუწოდა ისრაელის მთავრობას გასცეს პალესტინელთა ტერიტორიაზე ჰუმანიტარული დახმარების შეტანის ნებართვა. ეს გერმანიის საგარეო საქმეთა მინისტრის მეშვიდე ვიზიტია ისრაელში 7 ოქტომბერს აშშ-ში და ევროკავშირში ტერორისტულად შერაცხილი დაჯგუფების ჰამასის ისრაელის სამხრეთში მოწყობილი თავდასხმის შემდეგ. ბერბოკმა შეხვედრა გამართა ასევე ისრაელის ოპოზიციის ლიდერთან, ბენი განცთან, რომელიც ისრაელის სამხედრო კაბინეტის წევრია. შეხვედრების მთავარი თემა შეშფოთებაა, რომ ირანის საპასუხო თავდასხმაზე ისრაელის რეაქცია რეგიონულ კონფლიქტში შეიძლება გადაიზარდოს. ასევე ნახეთ ირანი ისრაელს კვლავ შურისძიებით დაემუქრა, დამასკში ირანის საელჩოზე თავდასხმის და მისი „გუშაგთა კორპუსის“ შვიდი წევრის მკვლელობის გამო ასევე ნახეთ „დიდი შვიდეული“ ისრაელს მხარდაჭერას უდასტურებს და ირანს აფრთხილებს ...