შინაგან საქმეთა სამინისტრო "აგენტების კანონის" საწინააღმდეგო აქციაზე დაკავებულებზე ინფორმაციას ავრცელებს. უწყების პრესრელიზში ნათქვამია, რომ "პროტესტის გამომხატველთა მხრიდან არაერთხელ განხორციელდა ძალადობრივი ქმედებები", პოლიციამ დააკავა ორი ადამიანი, რომელთაგან ერთს ცივი იარაღი აღმოაჩნდა. უწყება არ აკონკრეტებს, არის თუ არა ამ ორი დაკავებულიდან ერთი დეპუტატი ალეკო ელისაშვილი, რომელიც პოლიციამ მთავრობის ადმინისტრაციის მიმდებარე ტერიტორიიდან გაიყვანა. ასევე ნახეთ პოლიციამ ალეკო ელისაშვილი აქციიდან ავტომანქანით გაიყვანა პარლამენტის შენობის წინა ტერიტორიიდან მთავრობის ადმინისტრაციასთან აქციის მონაწილეთა ნაწილმა მას შემდეგ გადაინაცვლა, რაც ამოიწურა სადავო კანონპროექტის გასაწვევად მთავრობისთვის მიცემული ვადა (17 აპრილის 22:30 საათი). ასევე ნახეთ "მოვითხოვოთ დაგველაპარაკოს პრემიერ-მინისტრი" - დემონსტრანტები მთავრობის ადმინისტრაციისკენ დაიძრნენ "აგენტების კანონი", რომელიც გასული წლის მარტში ხალხმრავალი აქციების ფონზე უკან გაიწვიეს, საქართველოს პარლამენტმა დღის წესრიგში კვლავ დააბრუნა 2024 წლის 3 აპრილს. 17 აპრილს კანონს საქართველოს პარლამენტმა პირველი მოსმენით დაუჭირა მხარი. ასევე ნახეთ პრეზიდენტი BBC-სთან ინტერვიუში ამბობს, რომ არსებობს კითხვა, ვინ და სად გადაწყვიტა "აგენტების კანონის" უკან დაბრუნება ...