ნატოს ქვეყნები შეთანხმდნენ, რომ უკრაინას რუსეთის საჰაერო იერიშებისგან თავის დასაცავად დამატებითი საჰაერო თავდაცვის სისტემები გადასცემენ, - ამის შესახებ ალიანსის გენერალურმა მდივანმა იენს სტოლტენბერგმა პარასკევს, უკრაინა-ნატოს საბჭოს სხდომის შემდეგ გააკეთა. „პეტრიოტის“ საჰაერო თავდაცვის სისტემების გარდა, არსებობს სხვა იარაღი, რომლის მიწოდებაც მოკავშირეებს შეუძლიათ, მათ შორის, SAMP/T (საზენიტო-სარაკეტო სისტემა - რედ.). ბევრმა სხვა მოკავშირემ, რომლებსაც არ აქვთ ასეთი შესაძლებლობა, პირობა დადო, რომ უკრაინას ფინანსურ დახმარებას გაუწევს ამ სისტემების შესაძენად“, - განუცხადა სტოლტენბერგმა Reuters-ს. ნატოს გენერალურ მდივანს არ დაუკონკრეტებია, რამდენ ახალ საჰაერო თავდაცვის სისტემას მიიღებს უკრაინა, თუმცა განაცხადა, რომ ამ საკითხზე განცხადებები უახლოეს დღეებშია მოსალოდნელი. ასევე ნახეთ ზელენსკიმ განმარტა, თუ როგორ მოახერხეს რუსებმა ტრიპოლიეს თბოელექტროსადგურის განადგურება უკრაინის პრეზიდენტმა მანამდე მოუწოდა ნატოს, რომ ისეთივე აქტიური დახმარება გაუწიოს უკრაინას რუსეთის საჰაერო თავდასხმების მოგერიებაში, როგორც ირანის საავიაციო და სარაკეტო იერიშის დროს დაეხმარა ალიანსის არაწევრ ისრაელს. უკრაინის პრეზიდენტმა ვოლოდიმირ ზელენსკიმ პარტნიორ სახელმწიფოებს კიდევ ერთხელ მიმართა, რომ უკრაინას საჰაერო თავდაცვის სისტემების კრიტიკული საჭიროება აქვს. ზელენსკის განცხადებით, უკრაინის საჰაერო თავდაცვის ძალებს რაკეტები ამოეწურათ რუსეთის საავიაციო თავდასხმის მოსაგერიებლად, რამაც ტრიპოლიეს თბოელექტროსადგურის განადგურება გამოიწვია. საუბარია ინციდენტზე, რომელიც 11 აპრილს მოხდა. ...