„ჩვენ ვირჩევთ ევროპას“ - ამ ლოზუნგით დღეს, 20 აპრილს, თბილისში, პარლამენტის წინ იმართება ქალთა მოძრაობის მიერ ორგანიზებული ქალთა მარში, რომელშიც ათობით ქალი მონაწილეობს. три ისინი ხელისუფლებისგან მოითხოვენ „აგენტების კანონის“ უკან გაწვევას. ქალთა მსვლელობა რესპუბლიკის მოედნიდან დაიწყო და პარლამენტთან გაგრძელდა. ასევე ნახეთ „ქალები ვირჩევთ ევროპას“ - საქართველოში ქალების მარში გაიმართება „მე მჯერა ქალების ძალის და მგონია, რომ ერთად შევძლებთ ხელისუფლება გადავარწმუნოთ“, - ამბობს აქციის მონაწილე ნინა გოგია. ქალთა მარში თბილისში „ჩვენ, საქართველოს ქალები, ხმას მივცემთ იმ პარტიას, ვინც დაგვპირდება და შეგვიყვანს ევროკავშირში! ევროკავშირი ქალების არჩევანია. ევროკავშირი ქართველი ხალხის არჩევანია“, - აცხადებს ბაია პატარაია. „გაიხსენეთ ადამიანები, რომლებიც ებრძვიან სოციალურ უსამართლობას, იცავენ ჩაგრულების უფლებას, გაიხსენეთ აქტივისტები! ძირითადად ესენი არიან ქალები და სწორედ ამ გამბედავი ქალების წინააღმდეგ არის ეს კანონი. გეშინოდეთ საქართველოს ქალების“, - თქვა რეჟისორმა სალომე ჯაშმა სიტყვით გამოსვლისას. ქალები "აგენტების კანონის" წინააღმდეგ „ქალთა მარში“ თბილისს გარდა გაიმართა ბათუმშიც. იქ მსვლელობის მონაწილეები ბათუმში ცენტრალური პარკის კოლონადებთან შეიკრიბნენ, ევროკავშირის დროშა გაშალეს და მსვლელობით მემედ აბაშიძის ქუჩაზე ჩაიარეს. "ქალთა მარში" ბათუმში „ქალთა მარში“ 19:00 საათზე ევროპის მოედანზე შეუერთდება სტუდენტების აქციას, რომელიც ტარდება ე.წ. აგენტების კანონის წინააღმდეგ. იგივე მოხდება თბილისშიც, სადაც ასევე არის დაგეგმილი ახალგაზრდების აქცია. „უცხოური გავლენის გამჭვირვალობის შესახებ“ კანონი, რომელსაც „აგენტების კანონს“ და „რუსულ კანონს“ უწოდებენ, საქართველოს პარლამენტმა პირველი მოსმენით 17 აპრილს მიიღო. მას შემდეგ ამ კანონის საწინააღმდეგო პროტესტი არ შეწყვეტილა. ასევე ნახეთ "არა ტოტალურ კონტროლს, არა რუსულ კანონს" - იმართება ქალების მარში ...