რუსეთის პრეზიდენტის ადმინისტრაციამ, სავარაუდოდ, გადაწყვიტა რამზან კადიროვის მემკვიდრის საკითხი. ის ჩეჩნეთის სპეცდანიშნულების რაზმ "ახმატის" მეთაური აპტი ალაუდინოვია. ასეთია ჩეჩნეთის პოლიტიკური ლანდშაფტის კვლევის შედეგები. კვლევა “ნოვაია გაზეტა ევროპამ” ჩაატარა. რედაქცია ხაზს უსვამს, რომ ცოტა ხნის წინ ვლადიმირ პუტინის ბრძანებით, ალაუდინოვი რუსეთის ფედერაციის თავდაცვის სამინისტროს სამხედრო და პოლიტიკური მუშაობის მთავარი სამმართველოს უფროსის მოადგილედ დაინიშნა. გამოცემის მკვლევრებმა ამ დანიშვნას უწოდეს პლაცდარმი "აპტი ალაუდინოვის სამომავლო გრანდიოზულ კარიერაში". ასევე ნახეთ კადიროვის „მარჯვენა ხელი“ რუსეთის არმიის ერთ-ერთი მთავარი აღმზრდელი ხდება გარდა ამისა, 2023 წლის 18 დეკემბერს მოსკოვში გაიმართა ერთიანი რუსეთის 21-ე კონგრესი, რომელზეც დელეგატებმა მხარი დაუჭირეს ვლადიმირ პუტინის კანდიდატურას მეხუთე საპრეზიდენტო ვადით. ამ კონგრესზე სიტყვა წარმოთქვა გენერალმა ალაუდინოვმა, რომელიც, გაზეთის სარედაქციო საბჭოს თანახმად, პუბლიკის წინაშე წარმოჩნდა, “როგორც ცივილიზებული ჩეჩენი სამხედრო პირი”. “ნოვაია გაზეტა ევროპის” თანახმად, რამზან კადიროვი ჯანმრთელობის მიზეზების გამო ვეღარ გააგრძელებს თავისი მოვალეობის შესრულებას. ჩეჩნეთის ხელმძღვანელის დიაგნოზებს შორისაა პანკრეატიტის გართულებები, რომლებიც მოიცავს პანკრეასის ნეკროზს და პანკრეატოგენურ ასციტს. ასევე ცნობილია, რომ 2023 წელს კადიროვი სამედიცინო ინდუქციურ კომაში ჰყავდათ ტრანკვილიზატორ “დორმიკუმის” ჭარბი დოზის გამო, რომელიც კადიროვს უნდა მიეღო ძლიერი ტკივილისა და უძილობისთვის. "ნოვაია გაზეტა ევროპა" და ასევე "კავკაზ.რეალიი" უკვე წერდნენ, რომ გასული წლის სექტემბრიდან რუსეთის პრეზიდენტის ადმინისტრაციაში დაიწყეს იმ სცენარის შემუშავება, რომელიც ჩეჩნეთში ძალაუფლების იძულებითი შეცვლის შემთხვევაში უნდა ამოქმედდეს. აპტი ალაუდინოვი ამჟამად რამზან კადიროვთან ერთ-ერთ ყველაზე დაახლოებულ გენერლად ითვლება. იგი უწევს კოორდინაციას "ახმატის" სახელით მოქმედ სპეცდანიშნულების პოლკებს, რომლებიც უკრაინის ტერიტორიაზე, ძირითადად ლუგანსკის ოლქში, ასრულებენ საბრძოლო დავალებებს. მაგრამ აპტი ალაუდინოვისა და რამზან კადიროვის ურთიერთობა რუსეთ-უკრაინის ომამდე არც ისე უღრუბლო იყო. ჩეჩნეთში რამზან კადიროვის რეჟიმის კრიტიკოსებმა ადრე განუცხადეს რადიო თავისუფლებას, რომ აპტი ალაუდინოვი 2019 წელს კადიროვის წინააღმდეგ შეთქმულებაში მონაწილეობდა და უკრაინაში საომრად სწორედ "ამ დანაშაულის გამოსასყიდად" წავიდა. ალაუდინოვი ამ ბრალდებას უარყოფდა და იმუქრებოდა, რომ „იპოვიდა და გაუსწორდებოდა" მათ, ვინც მასზე ასეთ "ბინძურ ჭორებს" ავრცელებდა. აპტი ალაუდინოვი, რომელიც ჩეჩნეთში ლგბტ პ...