რუსეთში თათრეთის რესპუბლიკის დედაქალაქ ყაზანის სასამართლომ კვლავ ჯარიმა შეუფარდა სოციოლოგ ისკანდერ იასავიევს იმისთვის, რომ მას ეჭირა პლაკატი, რომლითაც ითხოვდა რადიო თავისუფალი ევროპა/რადიო თავისუფლების (RFE/RL) ჟურნალისტის, 18 ოქტომბრის შემდეგ პატიმრობაში მყოფი ალსუ კურმაშევას გათავისუფლებას. ვახიტოვის ოლქის სასამართლომ 22 აპრილს გამოიტანა განაჩენი, რომ იასავიევმა 15 000 რუბლი ($160) უნდა გადაიხადოს პლაკატისთვის წარწერით: "ალსუ კურმაშევა ჟურნალისტია და არა ბოროტმოქმედი" - აქტივისტს ეს პლაკატი ეჭირა ყაზანში დეკემბერში გამართულ სანქცირებულ აქციაზე, რომელიც რუსეთში დაპატიმრებული ყველა ჟურნალისტის მხარდასაჭერად შედგა. 15 000 რუბლის გადახდა იასავიევს პირველად 1 თებერვალს დააკისრეს, მას მერე, რაც იმავე სასამართლომ ის დამნაშავედ ცნო საზოგადოებრივი წესრიგის დარღვევაში. აქტივისტმა განაჩენი გაასაჩივრა, რის შემდეგაც, 20 მარტს, თათრეთის უზენაესმა სასამართლომ მას განაჩენი მოუხსნა და საქმე ხელახალ სასამართლოზე გაგზავნა. იასავიევის ადვოკატები 22 აპრილს აცხადებდნენ, რომ ხელახალ განაჩენსაც გაასაჩივრებენ. ასევე ნახეთ ალსუ კურმაშევა ყაზანის ციხიდან: "მინდა აქედან ცოცხალი და ჯანმრთელი გამოვიდე" ...