„აგენტების კანონის“ მოწინააღმდეგე დემონსტრანტი, ლადო მაჭავარიანი „ახალგაზრდული ჯგუფებისა და სტუდენტური მოძრაობების სახელით“ აცხადებს, რომ 29 აპრილს მათი საპროტესტო დემონსტრაციები არ დაემთხვევა იმ ადგილს, სადაც „ქართული ოცნება“ გეგმავს შეკრებას. „მინდა გავაკეთო განცხადება ახალგაზრდული ჯგუფების, სტუდენტური მოძრაობების და იმ ადამიანების სახელით, ვინც ჩართულები ვართ რუსული კანონის წინააღმდეგ. ბოლო დღეები გვეკითხებიან, თუ რას ვაპირებთ კონტრაქციის საპასუხოდ“, - განაცხადა ლადო მაჭავარიანმა 28 აპრილს თბილისის სახელმწიფო უნივერსიტეტთან, ჟურნალისტებთან საუბრისას. „29 აპრილს არანაირი აქტივობით არ ვიქნებით წარმოდგენილი რუსთაველის გამზირსა და მიმდებარე ტერიტორიაზე“, - თქვა მაჭავარიანმა. три დემონსტრნტის თქმით, ჯგუფებს ესმით, რომ „ეს პროვოკაციას გამოიწვევს“: „არ დავუპირისპირდებით თანამოქალაქეებს, არ მივცემთ ვინმეს შანსს, რომ პროვოცირება მოახდინოს. ხელისუფლება, რომელიც მუდმივად მშვიდობაზე საუბრობს, დაპირისპირების და პროვოკაციის გზას ირჩევს 29 აპრილის კონტრაქციით. ჩვენი პასუხი სხვანაირია, ჩვენ ვირჩევთ ერთობას და რეალურ მშვიდობას. მშვიდობიან, მაგრამ მტკიცე პროტესტს ვაგრძელებთ“, - განაცხადა მან. ორშაბათს 29 აპრილს, მმართველი პარტია „ქართული ოცნება“ თბილისში „აგენტების კანონის“ მხარდამჭერი აქციის ჩატარებას გეგმავს. იმავე დღეს, დილის 9 საათზე, პარლამენტში დაგეგმილია „აგენტების კანონის“ მეორე საკომიტეტო მოსმენა. მანამდე, 28 აპრილს, კვირა საღამოს, 7 საათზე „აგენტების კანონის“ საწინააღმდეგო დემონსტრაციაა დაგეგმილი, ამჯერად არასამთავრობო ორგანიზაციებისა და ოპოზიციური პარტიების მონაწილეობით. ასევე ნახეთ „არა რუსულ კანონს“ - კვირა საღამოს პარლამენტთან აქცია გაიმართება ასევე ნახეთ სრული სიმართლე „აგენტების კანონზე“ ...