„ერთიანი ნაციონალური მოძრაობა“ და „სტრატეგია აღმაშენებელი“ „ქართულ ოცნებას“ მოუწოდებენ, „პროვოკაციებისა და სხვა გართულებების თავიდან აცილების მიზნით“, ორშაბათს, 29 აპრილს, „აგენტების კანონის“ საკომიტეტო მოსმენა გადადონ. „მივმართავთ „ქართულ ოცნებას“, პროვოკაციებისა და სხვა გართულებების თავიდან აცილების მიზნით მიგვაჩნია, რომ აუცილებელია ხვალინდელი საკომიტეტო მოსმენის გადადება. ჩვენ მზად ვართ, სხვა ნებისმიერ დღესაც დავესწროთ კომიტეტის სხდომას“, - წერია პარტიების მიერ 28 აპრილს, საღამოს ერთობლივად გავრცელებულ განცხადებაში. „ხვალ, 29 აპრილს, საკომიტეტო მოსმენის დანიშვნა მაშინ, როცა ყველამ იცის, რომ ეს პროცესი იწვევს ბუნებრივ პროტესტს, არის პროვოკაცია ხელისუფლების მხრიდან, მით უმეტეს, როდესაც თვითონ „ქართულ ოცნებას“ იძულებით ჩამოჰყავს საჯარო მოხელეები და დაანონსებული აქვთ კონტრაქცია“, - ამბობენ პარტიები. „თუ ხელისუფლება არ გაითვალისწინებს ამ გონივრულ რჩევას და არ გადადებს საკომიტეტო მოსმენას, ყველა გართულებაზე და მის შედეგზე პასუხისმგებლობა დაეკისრება „ქართულ ოცნებას“, - ნათქვამია განცხადებაში. ორ კვირაზე მეტია, თბილისსა და სხვა ქალაქებში იმართება აქციები „აგენტების კანონის“, - ფორმალურად „უცხოეთის გავლენის გამჭვირვალობის კანონპროექტის“ - წინააღმდეგ. დემონსტრაცია დღეს, 28 აპრილსაც მიმდინარეობს. ორშაბათს 29 აპრილს, მმართველი პარტია „ქართული ოცნება“ თბილისში „აგენტების კანონის“ მხარდამჭერი აქციის ჩატარებას გეგმავს. ასევე ნახეთ „100 000-ზე მეტი“ - მდინარაძე ამბობს, რომ „ოცნების“ აქციაზე მონაწილეთა რაოდენობა „მოლოდინებს გადააჭარბებს“ დილის 9 საათიდან კი პარლამენტის იურიდიულ საკითხთა კომიტეტი მეორე მოსმენით განიხილავს „აგენტების კანონს“. ახალგაზრდული ჯგუფებისა და სტუდენტური მოძრაობების სახელით გაკეთებული განცხადების თანახმად, 29 აპრილს სტუდენტების საპროტესტო დემონსტრაციები არ დაემთხვევა იმ ადგილს, სადაც „ქართული ოცნება“ გეგმავს შეკრებას. ასევე ნახეთ სტუდენტური ჯგუფების წარმომადგენლები ამბობენ, რომ „ოცნების“ აქციასთან არ გადაიკვეთებიან მსგავსი განცხადება გააკეთა პარტია „ლელომაც“. ასევე ნახეთ „ლელოც“ აცხადებს, რომ ორშაბათს „ოცნების“ აქციასთან არ გადაიკვეთება „აგენტების კანონი“ საქართველოს პარლამენტმა პლენარულ სესიაზე პირველი მოსმენით 17 აპრილს დაამტკიცა - 83 ხმით. 13 თვით ადრე, 2023 წლის მარტში, ხალხმრავალი აქციებისა და საერთაშორისო კრიტიკის გამო საპარლამენტო უმრავლესობა იძულებული გახდა, „უცხოეთის აგენტების კანონი“ ჩაეგდო და პირობა დადო, რომ პროექტს აღარ დაუბრუნდებოდა. კანონი ეხება საქართველოში არსებულ თითქმის ყველა არასამთავრობო ორგანიზაციას და არაერთ მედიასაშუალებას, მათ შორის - რადიო თავისუფლებასაც. კანონპროე...