ამერიკელმა ტელეწამყვანმა ტაკერ კარლსონმა, რომელმაც ახლახან ინტერვიუ აიღო რუსეთის პრეზიდენტ ვლადიმირ პუტინისგან, სოცქსელ X-ში გამოაქვეყნა 20-წუთიანი საუბარი რუს ფილოსოფოს ალექსანდრ დუგინთან, რომელიც თანამედროვე რუსეთისა და „რუსკი მირის“ ერთ-ერთ მთავარ იდეოლოგად ითვლება. ცნობაში ნათქვამია, რომ დუგინთან ინტერვიუ ჩაწერილია მოსკოვში, სადაც კარლსონი თებერვალში იმყოფებოდა პუტინთან სასაუბროდ. ასევე ნახეთ "უცხოეთის აგენტები" - რას ელიან დუგინი, პესკოვი და სხვები "ოცნების" კანონისგან ვიდეოში კარლსონი მაყურებელს ახსენებს, რომ დუგინის ქალიშვილი დარია მოკლეს. როგორც წამყვანი ამბობს, ეს უკრაინის სპეცსამსახურებმა გააკეთეს. ის ასევე ამბობს, რომ დუგინის წიგნებს „არ ყიდის Amazon-ი“. ტაკერთან ინტერვიუში დუგინი იმეორებს თავის მოსაზრებას იმის თაობაზე, რომ მცდარია „ანგლოსაქსური სამყაროს“ ინდივიდუალიზმისა და ლიბერალიზმის იდეოლოგია. უკრაინაში რუსეთის შეჭრის შესახებ პირდაპირი შეკითხვები კარლსონს დუგინისთვის არ დაუსვამს. ასევე ნახეთ მას უნდა, რომ პუტინს მოუსმინოთ - ვინ არის ტაკერ კარლსონი? ...