პარლამენტის პლენარულ სხდომაზე რამდენიმე საათია „აგენტების კანონს“ მეორე მოსმენით განიხილავენ. პარალელურად, 19:00 საათიდან, უმაღლესი წარმომადგენლობით ორგანოსთან დაიწყო აქცია: „კი ევროპას! არა რუსულ კანონს!“ три აქციას მსვლელობით შეუერთდნენ რუსთაველის ძეგლთან შეკრებილი თსუ-ის და ილიაუნის სტუდენტები. სტუდენტების მსვლელობა „აგენტების კანონის“ წინააღმდეგ. 30 აპრილს სამოქალაქო საზოგადოების ორგანიზაციებმა გამართეს ბრიფინგი, რომელზეც განაცხადეს, რომ ხელისუფლება ანტიკონსტიტუციური კანონის მისაღებად მორიგ ნაბიჯს დგამს და „რუსული კანონის“ მეორე მოსმენით განიხილავს პლენარულ სხდომაზე. სწორედ, არასამთავრობო ორგანიზაციებმა დააანონსეს რუსთაველის გამზირზე მორიგი აქცია. ასევე ნახეთ არასამთავრობოები მორიგ შეკრებას აანონსებენ: „კი ევროპას! არა რუსულ კანონს!" „აგენტების კანონი“, - ოფიციალურად, „უცხოეთის გავლენის გამჭვირვალობის კანონპროექტი“, - საქართველოს პარლამენტმა პლენარულ სესიაზე პირველი მოსმენით 17 აპრილს დაამტკიცა - 83 ხმით. 13 თვით ადრე, 2023 წლის მარტში, ხალხმრავალი აქციებისა და საერთაშორისო კრიტიკის გამო საპარლამენტო უმრავლესობა იძულებული გახდა, „უცხოეთის აგენტების კანონი“ ჩაეგდო და პირობა დადო, რომ პროექტს აღარ დაუბრუნდებოდა. კანონი ეხება საქართველოში არსებულ თითქმის ყველა არასამთავრობო ორგანიზაციას და არაერთ მედიასაშუალებას, მათ შორის - რადიო თავისუფლებასაც. კანონპროექტის პარლამენტში დაბრუნების შემდეგ თბილისში საპროტესტო დემონსტრაციები დაიწყო. ევროკავშირმა და ამერიკის შეერთებულმა შტატებმა საქართველოს ხელისუფლება არაერთხელ გააფრთხილეს, რომ კანონის მიღება უარყოფითად იმოქმედებს ევროკავშირისკენ საქართველოს სვლაზე. ასევე ნახეთ სრული სიმართლე „აგენტების კანონზე“ ...