საქართველოში მცხოვრები ამერიკელი იურისტი ტედ ჯონასი თბილისში, რუსთაველის გამზირზე, „აგენტების კანონის“ საწინააღმდეგო აქციის დარბევისას დააკავეს. იგი წერს, რომ ნაცემია. „პოლიციის მანქანაში ვარ. მაგრად მცემეს“, - დაწერა მან ფეისბუკზე პირველ მაისს 01:12 საათზე. „დახმარება გვჭირდება. ძალადობენ“, - მისწერა მან ერთ-ერთ ფეისბუკ-მეგობარს 01:53 საათზე. ამჟამად [02:15 საათზე] იგი ხაზზე აღარ არის ფეისბუკზე. три ერთი საათით ადრე მან რუსთაველის გამზირიდან დადო ფოტოები. ტედ ჯონასი, რომელიც რომელიც საქართველოში 1994 წლიდან ცხოვრობს, 2023 წელსაც ეწინააღმდეგებოდა „აგენტების კანონს“. რამდენიმე საათია, პოლიცია დემონსტრანტებს ძალის გამოყენებით შლის. თავდაპირველად გამოიყენეს ფიზიკური ძალა და სპეციალური საშუალება, სავარაუდოდ, წიწაკის სპრეი, მოგვიანებით კი დაიწყეს წყლის ჭავლისა და ცრემლსადენი გაზის გამოყენება. დემონსტრანტები რუსთაველის გამზირზე რჩებიან. პრეზიდენტი სალომე ზურაბიშვილი მოუწოდებს შინაგან საქმეთა სამინისტროს, შეწყვიტოს თბილისის ქუჩებში მშვიდობიანი აქციის დაშლა. სახალხო დამცველის შეფასებით, საქართველოს შინაგან საქმეთა სამინისტროს მხრიდან 2024 წლის 30 აპრილს, 23.36 წუთზე გაფრთხილების გაჟღერების დროისთვის და ამჟამადაც „აქციას აქვს მშვიდობიანი ხასიათი და არ არსებობს მისი შეწყვეტისა და მის წინააღმდეგ ძალის გამოყენების საფუძველი“. რადიო თავისუფლებას სამინისტროს პრესცენტრში უთხრეს, რომ ამ დროისთვის [1 მაისი, 01:00 საათი] არაერთ დემონსტრანტს, მართალია, დასჭირდა ადგილზე სასწრაფო სამედიცინო დახმარება, თუმცა ჰოსპიტალიზაცია საჭირო არ გამხდარა. ბოლო საათების განმავლობაში არაერთი ადამიანი დააკავეს - შსს-ს ჯერ დაკავებულთა რაოდენობა არ დაუზუსტებია. სასტიკას სცემეს „ნაციონალური მოძრაობის“ თავმჯდომარე ლევან ხაბეიშვილს. ასევე ნახეთ ლევან ხაბეიშვილს სასტიკად სცემეს ...