შინაგან საქმეთა სამინისტროში 1 მაისის დილის 10 საათზე მინისტრის მოადგილემ, ალექსანდრე დარახველიძემ, ბრიფინგი გამართა. მან 30 აპრილის ღამის ხალხმრავალ საპროტესტო აქციაზე დაკავებულებისა და დაშავებულების შესახებ მიაწოდა საზოგადოებას ინფორმაცია - დარახველიძის თქმით, "აგენტების კანონის" საწინააღმდეგო აქციაზე პოლიციამ დააკავა 63 მოქალაქე და დაშავდა ექვსი სამართალდამცველი. დაკავებულებს გამოძიება ადმინისტრაციულ სამართალდარღვევებს, წვრილმან ხულიგნობასა და პოლიციელისადმი დაუმორჩილებლობას ედავება. მინისტრის მოადგილეს დაშავებული მოქალაქეების შესახებ არაფერი უთქვამს - 30 აპრილის აქციაზე, სადაც პოლიცია ინტენსიურად იყენებდა როგორც სპეციალურ საშუალებებს (წიწაკის სპრეი, ცრემლსადენი გაზი, წყლის ჭავლი), ასევე ფიზიკურად უსწორდებოდა აქციის მონაწილეებს, ცნობილია, რომ სასტიკად სცემეს პოლიტიკოსებს, ალეკო ელისაშვილსა და ლევან ხაბეიშვილს. ასევე ნახეთ სპეცრაზმმა ალეკო ელისაშვილს სცემა "კადრებში კარგად ჩანს „ნაციონალური მოძრაობის“ თავმჯდომარის, ლევან ხაბეიშვილის ქმედება, როდესაც ის პოლიციისთვის საქმიანობაში ხელის შეშლის მიზნით შეიჭრა პოლიციის კორდონში, გაუწია მათ წინააღმდეგობა, რა დროსაც მიიღო სხეულის დაზიანება. ლევან ხაბეიშვილი დაუყოვნებლივ იქნა გადაყვანილი სამედიცინო დაწესებულებაში. აღნიშნულ ფაქტთან დაკავშირებით, შესაბამისი სამსახურები უზრუნველყოფენ საჭირო საგამოძიებო მოქმედებების განხორციელებას“, - თქვა ალექსანდრე დარახველიძემ ლევან ხაბეიშვილზე საუბრისას. ასევე ნახეთ ლევან ხაბეიშვილს სასტიკად სცემეს ალექსანდრე დარახველიძემ ბრიფინგზე არაერთხელ აღნიშნა, რომ პარლამენტის შენობასთან გამართული აქცია არ ჯდებოდა მშვიდობიანი პროტესტის ფარგლებში და მოქალაქეები ხელოვნურად კეტავდნენ საგზაო მოძრაობას სხვადასხვა ქუჩაზე ღამის განმავლობაში. „საზოგადოებამ ნათლად იხილა, რომ აქციამ სრულად მიიღო ძალადობრივი ხასიათი. ყველამ კარგად ვნახეთ, როგორ უპირისპირდებოდნენ აქციის მონაწილეები პოლიციელებს, ისინი მათ ფიზიკურ და სიტყვიერ შეურაცხყოფას აყენებდნენ. სამართალდამცველების მიმართულებით ისროდნენ სხვადასხვა მძიმე საგნებს, მათ შორის, ქვებს და ბოთლებს. ძალადობრივი ქმედებების შედეგად დაზიანებები მიიღო ექვსმა პოლიციელმა, რომლებიც სამედიცინო დახმარების გაწევის მიზნით, გადაყვანილი არიან სამედიცინო დაწესებულებებში“, - თქვა ალექსანდრე დარახველიძემ. მისივე განმარტებით, პოლიციელების დაზიანებების ფაქტებზე გამოძიება სისხლის სამართლით გათვალისწინებულ დანაშაულს იძიებს, თავად პოლიციელების მხრიდან ძალის შესაძლო გადამეტების ფაქტებს კი, სავარაუდოდ, შესაბამისი სამსახურები შეისწავლიან. შინაგან საქმეთა მინისტრის მოადგილე ხალხმრავალი აქციის დარბევის მეორე დილას აცხადებს, რომ მო...