საქართველოს პარლამენტში, რომელმაც პლენარულ სხდომაზე მეორე მოსმენით უნდა გააგრძელოს მასობრივი საპროტესტო აქციების გამომწვევი „აგენტების კანონის" განხილვა, არც დღეს, 1 მაისს, შეუშვებენ ონლაინმედიის ჟურნალისტებს და მათ, ვინც არ არის მიწვეული „შესაბამისი სტრუქტურული ერთეულების მიერ“. „საქართველოს პარლამენტის სასახლეში უსაფრთხოების დაცვის წესის" შესახებ პარლამენტის თავმჯდომარის, შალვა პაპუაშვილის მიერ 2023 წლის სექტემბერში გამოცემული ბრძანების საფუძველზე, 1 მაისს ისევ „უსაფრთხოების ყვითელი დონე“ მოქმედებს. ეს ნიშნავს, რომ „ვიზიტორებს ეზღუდებათ პარლამენტის სასახლეში შესვლა“ და „დაგეგმილ საპარლამენტო ღონისძიებებზე (მათ შორის კომიტეტის სხდომებზე) დაიშვებიან მხოლოდ შესაბამისი სტრუქტურული ერთეულების მიერ მოწვეული პირები“. პარლამენტის ინფორმაციით, „შენობაში დაიშვებიან ტელემაუწყებლების/ტელემედია საშუალებების აკრედიტებული არაუმეტეს ორი ჯგუფი თითო მაუწყებლიდან, საპარლამენტო ღონისძიებების დასრულებამდე”. ასევე ნახეთ აკრედიტებულ მედიას უნდა მიეცეს საშუალება, იყოს პარლამენტში - სახალხო დამცველი „უსაფრთხოების ყვითელი დონე“ 15 აპრილიდან მოქმედებს, მას შემდეგ, რაც საქართველოს პარლამენტში ისევ, ჯერ საკომიტეტო დონეზე, შემდეგ კი პლენარულ სხდომაზე, დაიწყო „ქართული ოცნების“ მიერ ინიციირებული და მასობრივი პროტესტის გამომწვევი „აგენტების კანონის“ განხილვა(კანონპროექტი უცხოური გავლენის გამჭვირვალობის შესახებ). იმის გამო, რომ საქართველოს პარლამენტში მიმდინარე მოვლენების ადგილიდან გაშუქების უფლება მხოლოდ ტელემაუწყებლებს მისცეს, მუშაობა შეეზღუდა მედიასაშუალებების დიდ ნაწილს. მათ შორისაა რადიო თავისუფლება. 16 აპრილს პარლამენტის თავმჯდომარემ შალვა პაპუაშვილმა გადაწყვეტილება იმით ახსნა, რომ ონლაინგამოცემების ჟურნალისტები აკრედიტაციას „ბოროტად იყენებდნენ“ და პარლამენტში შედიოდნენ არა პროფესიული მოვალეობის შესასრულებლად, არამედ „პროტესტის გამოსახატად". ასევე ნახეთ სრული სიმართლე „აგენტების კანონზე“ „აგენტების კანონის“ წინააღმდეგ პარლამენტთან საპროტესტო აქცია დღესაც გაიმართება. საქართველოს პარლამენტის უმრავლესობამ კანონპროექტი „უცხოური გავლენის გამჭვირვალობის შესახებ" პირველი მოსმენით 17 აპრილს მიიღო. კანონპროექტის გაწვევის მოთხოვნით მრავალათასიანი საპროტესტო გამოსვლების მიუხედავად, 30 აპრილს პლენარულ სხდომაზე დაიწყო პროექტის მეორე მოსმენით განხილვა. საქართველოს პარლამენტთან მიმდინარე აქციის მონაწილეების წინააღმდეგ სპეცრაზმელებმა გამოიყენეს სპეციალური საშუალებები, ე.წ. წიწაკის სპრეი, ცრემლმდენი გაზი და წყლის ჭავლი. три სამართალდამცავებმა ფიზიკური ძალა გამოიყენეს აქციის არაერთი მონაწილის, მათ შორის პარლამენტის ოპოზიციონერი დეპუტატების...