პრემიერ-მინისტრი ირაკლი კობახიძე "აგენტების კანონის" წინააღმდეგ მიმდინარე საპროტესტო აქციების მონაწილე ახალგაზრდებს "კოლექტიური „ნაცმოძრაობის“ ძალადობრივი ახალგაზრდული დაჯგუფებების წევრებს" უწოდებს და ამბობს, რომ პასუხისმგებლობა ეკისრება ყველას, ვინც მათ გულწრფელ ახალგაზრდებს უწოდებდა. ამის შესახებ კობახიძემ მთავრობის ადმინისტრაციაში გამართულ პრესკონფერენციაზე ილაპარაკა. მისი სიტყვებით, საუბრობს "მოძალადე ახალგაზრდებზე", რომლებიც [დავით] კეზერაშვილის, [მამუკა] ხაზარაძისა და კონკრეტული უცხოელი დონორების მიერ ფინანსდებიან. "ყველა ცილისმწამებლური განცხადების ავტორი იზიარებს პასუხისმგებლობას იმ ძალადობაზე, რომელიც გუშინ რადიკალური პოლიტიკური უმცირესობის შესრულებით ვიხილეთ. კოლექტიური „ნაცმოძრაობის“ ძალადობრივ ქმედებებზე პასუხისმგებლობას ასევე სრულად იზიარებენ აქციების ორგანიზატორი და წარმმართველი რადიკალური პარტიები, „ენჯეოები“ და მათი წარმომადგენლები... პასუხისმგებლობა ეკისრება ყველა იმ სუბიექტს, რომელიც მთელი ერთი წლის მანძილზე ძალადობისა და მოძალადეების რომანტიზებას ახდენდა და კოლექტიური „ნაცმოძრაობის“ ძალადობრივი ახალგაზრდული დაჯგუფებების წევრებს გულწრფელ ახალგაზრდებს უწოდებდა. საუბარი იყო მოძალადე ახალგაზრდებზე, რომლებიც კეზერაშვილის, ხაზარაძის და კონკრეტული უცხოელი დონორების მიერ ფინანსდებიან. ესენია "ნაცმოძრაობის", „ლელოს“ და „ახალის“ ახალგაზრდული ორგანიზაციები, რომლებიც 100-მდე მოძალადე ახალგაზრდას აერთიანებს. აგრეთვე ესენია ძალადობრივი დაჯგუფებები „ტალღა“, „ჯიუტები“, „ნაბიჯი“, „თბილისი პრაიდი“, „ჯენზი“, „წერტილი“, „დაფიონი“, „სტუდენტები ევროპული მომავლისთვის“, „მოძრაობა თავისუფლებისთვის“, „სირცხვილია“, „ფრანკლინის კლუბი“ და „მომავლის აკადემია“, რომლებიც კოლექტიური „ნაცმოძრაობის“ ერთგულ 200-მდე მოძალადე ახალგაზრდას აერთიანებს", - ამბობს ირაკლი კობახიძე და მოუწოდებს მოქალაქეებს, გაემიჯნონ ამ "დაჯგუფებების ძალადობრივ ქმედებებს", რომლებიც "მთლიანად ვიწროპარტიული და ანტისახელმწიფოებრივი მოტივებით არის ნაკარნახევი". ამ წუთებში პარლამენტის შენობის წინ „აგენტების კანონის“ საწინააღმდეგო აქცია იწყება. ასევე ნახეთ საით მიდის პროტესტი? „აგენტების კანონი“, - ოფიციალურად, „უცხოეთის გავლენის გამჭვირვალობის კანონპროექტი“, - საქართველოს პარლამენტმა პლენარულ სესიაზე პირველი მოსმენით 17 აპრილს დაამტკიცა - 83 ხმით. 13 თვით ადრე, 2023 წლის მარტში, ხალხმრავალი აქციებისა და საერთაშორისო კრიტიკის გამო საპარლამენტო უმრავლესობა იძულებული გახდა, „უცხოეთის აგენტების კანონი“ ჩაეგდო და პირობა დადო, რომ პროექტს აღარ დაუბრუნდებოდა. კანონი ეხება საქართველოში არსებულ თითქმის ყველა არასამთავრობო ო...