თბილისში, "აგენტების კანონის" საწინააღმდეგო აქციაზე პოლიციამ მოქალაქეების წინააღმდეგ ცრემლსადენ გაზთან, წიწაკის სპრეისა და წყლის ჭავლთან ერთად რეზინის ტყვიებიც გამოიყენა. სხვადასხვა მედიის გავრცელებულ კადრებში ჩანან ადამიანები რეზინის ტყვიისგან მიღებული ჭრილობებით, მათ ნაწილს სხვა დემონსტრანტები უწევენ პირველად სამედიცინო დახმარებას, ნაწილს სასწრაფო დახმარების ექიმები. რეზინის ტყვიების გამოყენების ფაქტს ადასტურებს აქციაზე მყოფი არაერთი ადამიანი - შინაგან საქმეთა სამინისტროს ოფიციალური განცხადება მისი გამოყენების შესახებ არ გაუვრცელებია. რეზინის ტყვიით დაშავებულებს შორის არის პარტია "გირჩის" წევრი, ცოტნე კობერიძეც. რადიო თავისუფლება უწყების პრესსამსახურში ცდილობს ინფორმაციის გადამოწმებას - პასუხის მიღების შემთხვევაში მასალა განახლდება. რუსთაველზე აქციის დაშლა პოლიციამ მას შემდეგ დაიწყო, რაც აქციის რამდენიმე მონაწილემ პარლამენტის შენობის რკინის ჭიშკრების რყევა დაიწყო - 10:30-სთვის სამართალდამცველებს უკვე გამოყენებული ჰქონდა ყველა საპოლიციო სპეციალური საშუალება. რუსთაველის გამზირზე სავარაუდოდ დახშულია კომუნიკაციებიც - ტელეფონის და ინტერნეტის სიგნალი სუსტია, თითქმის შეუძლებელია პირდაპირი ეთერის ჩასართავად საჭირო ტექნიკის გამოყენებაც. ასევე ნახეთ პოლიციამ პარლამენტთან „წიწაკის სპრეი“ და წყლის ჭავლი გამოიყენა თბილისში „აგენტების კანონის“ წინააღმდეგ უწყვეტი მრავალრიცხოვანი პროტესტის მორიგი აქცია მიმდინარეობს. დღეს, საღამოს 8 საათისთვის პარლამენტმა მეორე მოსმენითაც მიიღო „აგენტების კანონი“. დარჩა მესამე, ფინალური მოსმენა - თარიღი ჯერ დაუზუსტებელია. პლენარული სესიის პარალელურად საპროტესტო დემონსტრაცია დაიწყო. თავდაპირველად პოლიცია პარლამენტის ზედა და ქვედა შესასვლელებთან გამაგრდა. 9-ის ნახევრისთვის შინაგან საქმეთა სამინისტრომ განაცხადა, რომ დეპუტატებმა და პარლამენტის აპარატის თანამშრომლებმა უსაფრთხოდ დატოვეს პარლამენტის შენობა, ხოლო პოლიციამ „სრულად დატოვა პარლამენტის მიმდებარე ტერიტორია“. პოლიციელები ახლა მხოლოდ პარლამენტის შიდა ეზოს ტერიტორიაზე არიან გამაგრებულები. ამას გარდა, მათი ნაწილი მობილიზებულია პუშკინის სკვერში, თავისუფლების მოედანზე. ასევე ნახეთ საია მოუწოდებს შსს-ს, უარი თქვას ღირსების შემლახავ ძალადობრივ პრაქტიკაზე განახლება: სათაურს დაემატა სიტყვა "თვითმხილველები". შინაგან საქმეთა მინისტრის მოადგილის ბრიფინგის შემდეგ. ალექსანდრე დარახველიძემ არ დაადასტურა პოლიციის მიერ რეზინის ტყვიების გამოყენება. ასევე ნახეთ თუ ძალადობას არ შეწყვეტენ, იძულებული ვიქნებით, დავშალოთ აქცია - მინისტრის მოადგილე ...