პარლამენტთან მიმდინარე „აგენტების კანონის“ საწინააღმდეგო აქციას განცხადებით გამოეხმაურა საქართველოს სახალხო დამცველის აპარატი. განცხადებაში ნათქვამია, რომ აქციის მონაწილეთა ნაწილი ცდილობდა პარლამენტის შენობის ჭიშკრის მთლიანობის დაზიანებას „საქართველოს სახალხო დამცველი აკვირდება პარლამენტთან მიმდინარე საპროტესტო აქციას, რომელიც საკმაოდ დიდ ტერიტორიაზეა გაშლილი. ამ დროისთვის (22:25სთ) სიტუაცია რამდენჯერმე დაიძაბა ჩიტაძის ქუჩის მხრიდან საქართველოს პარლამენტის შენობის ჭიშკართან, სადაც აქციის მონაწილეთა ნაწილი ცდილობდა ჭიშკრის მთლიანობის დაზიანებას. საქართველოს სახალხო დამცველი განმარტავს, რომ მართალია, შეკრების თავისუფლების ერთ-ერთი უმნიშვნელოვანესი ელემენტი შეკრების ადგილმდებარეობის არჩევის თავისუფლებაა, რასაც განსაკუთრებული დატვირთვა ენიჭება იმ შემთხვევაში, თუ კონკრეტული ადგილი/დაწესებულება პროტესტის ობიექტია ან კონკრეტულ ლოკაციაზე შეხედულებების გამოხატვა ყველაზე ეფექტიანი საშუალებაა პროტესტის ადრესატამდე მისაღწევად, თუმცა ამ ეტაპზე პარლამენტის შენობაში შეწყვეტილია საკანონმდებლო პროცესი და მნიშვნელოვანია აქციის ორგანიზატორები და მონაწილეები არ გაცდნენ საქართველოს კონსტიტუციით დაცული მშვიდობიანი შეკრების უფლების ფარგლებს“, - ვკითხულობთ განცხადებაში. ასევე ნახეთ თვითმხილველები: პოლიცია აქციის მონაწილეების წინააღმდეგ რეზინის ტყვიებს იყენებს თბილისში, „აგენტების კანონის" საწინააღმდეგო აქციაზე პარლამენტის ეზოში მყოფმა პოლიციამ, ჭიშკრის შიგნიდან მოქალაქეების წინააღმდეგ ცრემმლმდენი გაზი წიწაკის სპრეი და წყლის ჭავლი გამოიყენა. სხვადასხვა მედიის გავრცელებულ კადრებში ჩანან ადამიანები ჭრილობებით, მათ ნაწილს სხვა დემონსტრანტები უწევენ პირველად სამედიცინო დახმარებას, ნაწილს სასწრაფო დახმარების ექიმები. რეზინის ტყვიების გამოყენების შესახებ ლაპარაკობს აქციაზე მყოფი არაერთი ადამიანი - შინაგან საქმეთა სამინისტროს ოფიციალური განცხადება მისი გამოყენების შესახებ არ გაუვრცელებია. დაშავებულებს შორის არის პარტია „გირჩის" წევრი, ცოტნე კობერიძეც. ასევე ნახეთ თვითმხილველები: პოლიცია აქციის მონაწილეების წინააღმდეგ რეზინის ტყვიებს იყენებს რადიო თავისუფლება უწყების პრესსამსახურში ცდილობს ინფორმაციის გადამოწმებას - პასუხის მიღების შემთხვევაში მასალა განახლდება. რუსთაველზე აქციის დარბევა პოლიციამ მას შემდეგ დაიწყო, რაც აქციის რამდენიმე მონაწილემ პარლამენტის შენობის რკინის ჭიშკრების რყევა დაიწყო - 10:30-სთვის სამართალდამცველებს უკვე გამოყენებული ჰქონდა ყველა საპოლიციო სპეციალური საშუალება. რუსთაველის გამზირზე სავარაუდოდ დახშულია კომუნიკაციებიც - ტელეფონის და ინტერნეტის სიგნალი სუსტია, თითქმის შეუძლებელია პირდაპირი ეთერის ჩასართავად საჭირო ტე...