შინაგან საქმეთა მინისტრის მოადგილე ალექსანდრე დარახველიძე ამტკიცებს, რომ უწყების თანამშრომლებს დღეს საღამოს საპროტესტო აქციაზე დემონსტრანტების წინააღმდეგ რეზინის ტყვიები არ გამოუყენებიათ. თავდაპირველად, 00:00 საათზე, საგანგებო განცხადებაში მინისტრის მოადგილე დარახველიძემ თქვა, რომ პოლიცია „პარლამენტის შენობაზე თავდასხმის მოსაგერიებლად იყენებს კანონით დადგენილ სპეციალურ საშუალებებს - წყლის ჭავლს, ცრემლსადენ გაზსა და წიწაკის სპრეის“. „შინაგან საქმეთა სამინისტროს თანამშრომლებს, მიუხედავად იმისა, რომ სრული სამართლებრივი საფუძველი ჰქონდათ, არ გამოუყენებია რეზინის ტყვიები“, - განაცხადა ალექსანდრე დარახველიძემ. „დაინახეთ“?! ბრიფინგზე, ჟურნალისტების დამაზუსტებელ კითხვაზე, რომელიც რეზინის ტყვიების გამოყენებას ეხებოდა, შინაგან საქმეთა მინისტრის მოადგილემ განაცხადა, რომ „შინაგან საქმეთა სამინისტროს არცერთ თანამშრომელს რეზინის ტყვიები არ გამოუყენებია“. „რა იცით, რომ შინაგან საქმეთა სამინისტროს თანამშრომლები ისროდნენ?! დაინახეთ“?! - შეუბრუნა მან კითხვა ჟურნალისტს და დასძინა: „პარლამენტის შესასვლელთან ჩვენ ვიყენებთ წიწაკის სპრეის და ცრემლმდენ გაზს“. три რადიო თავისუფლებამ შეაგროვა აქციაზე დაჭრილი ადამიანების ფოტომასალა და მონათხრობი. დემონსტრანტების ჭრილობები ჰგავს რეზინის ტყვიებით მიყენებულ დაზიანებებს. დაჭრილების გარდა, რადიო თავისუფლებამ რუსთაველის გამზირზე გადაიღო რეზინის ტყვიები. აი, 8 შემთხვევა, როდესაც დემონსტრანტები რეზინის ტყვიების გამოყენებაზე საუბრობენ და დაზიანებები აღენიშნებათ: შემთხვევა #1 1-დან 2 მაისის ღამეს „აგენტების კანონის“ საწინააღმდეგო აქციაზე ერთ-ერთ დემონსტრანტს თვალი დაუზიანდა. ახალგაზრდა კაცს, რომელსაც სახე თვალის გარშემო სრულად დასისხლიანებული ჰქონდა.три შემთხვევა #3-4-5 რადიო თავისუფლებას მოქალაქე ირაკლი მილაძემ უთხრა, რომ მას ფეხზე მოხვდა რეზინის ტყვია. გარდა ამისა, მან ფოტო გადაუღო შუა ხნის კაცს, რომელსაც მუცელში, სავარაუდოდ, რეზინის ტყვია აქვს მოხვედრილი და სისხლის მოსდის. три მან მოგვაწოდა თავის მიერ გადაღებული კიდევ ერთი ფოტო, რომელზეც ჩანს, რომ ახალგაზრდა კაცს მკერდში, მარცხენა მხარეს აქვს დაზიანება, რომელიც რეზინის ტყვიისგან მიყენებულ დაზიანებას ჰგავს. მილაძე რადიო თავისუფლებას ეუბნება, რომ ტყვიებს ისროდნენ პარლამენტის შიდა ეზოდან და საგარეო საქმეთა სამინისტროს მხრიდან. შემთხვევა #6 რეზინის ტყვია ასხლეტით მოხვდა სააგენტო „როიტერსის“ რეპორტიორს, დავით ჩხიკვიშვილს. მან ეს ინფორმაცია ადგილზე რადიო თავისუფლების რეპორტიორს დაუდასტურა. შემთხვევა #7 მოქალაქე დავით ჩიბურდანიძე ამბობს, რომ აქციაზე სამი რეზინის ტყვია მოხვდა და მას დამიზნებით ესროლეს. იგი ამის შესახებ ინსტაგრამზე წერს. შემთხვევა #8 მოქალაქე კონსტანტინე ჩახუნაშვილი ფეისბუკზ...