აშშ-ის ევროპაში უსაფრთხოებისა და თანამშრომლობის კომისია, რომელიც ჰელსინკის კომისიის სახელითაც არის ცნობილი, აცხადებს, რომ შეერთებული შტატები მუდმივად დაუჭერს მხარს ქართველი ხალხის დემოკრატიული არჩევანს. „საქართველოს მოსახლეობამ აირჩია დემოკრატიული და ევროატლანტიკური მომავალი. შეერთებული შტატები ყოველთვის დაუჭერს მხარს ამ არჩევანს, მხარს დაუჭერს მათ იმ [ძალების] წინააღმდეგ ბრძოლაში, ვინც მათ თავისუფლებას ახშობს“, - ნათქვამია კომისიის მიერ 2 მაისს გავრცელებულ განცხადებაში. три რამდენიმე კვირის წინ ჰელსინკის კომისიამ მწვავედ გააკრიტიკა „აგენტების კანონის“ ხელახლა ინიციირება საქართველოს პარლამენტში და ამას უწოდა „მიზანმიმართული თავდასხმა საქართველოს მყიფე დემოკრატიაზე, მისი ევროპული კანდიდატურის თვითსაბოტაჟი და ქართველი ხალხის ძალისხმევით მოპოვებული ევროატლანტიკური არჩევანის აშკარა უარყოფა“. „ეს კანონპროექტი არის რუსული კანონმდებლობის მსგავსი და მისით შთაგონებული“, - განაცხადა ჰელსინკის კომისიის თავმჯდომარემ 6 აპრილს. ასევე ნახეთ ჰელსინკის კომისია: რუსული სტილის „აგენტების კანონი“ თავდასხმაა საქართველოს დემოკრატიაზე კომისია საქართველოს ხელისუფლებას მოუწოდებდა, „მიატოვოს ეს კანონპროექტი და დაუბრუნდეს ლიბერალურ-დემოკრატიულ მიმართულებას და თავისი ხალხის ევროატლანტიკურ არჩევანს“. „აგენტების კანონი“, - ოფიციალურად, „უცხოეთის გავლენის გამჭვირვალობის კანონპროექტი“, - საქართველოს პარლამენტმა პლენარულ სესიაზე პირველი მოსმენით 17 აპრილს დაამტკიცა - 83 ხმით. მეორე მოსმენით კანონპროექტი პირველ მაისს მიიღეს. დარჩა მესამე, საბოლოო მოსმენა. 13 თვით ადრე, 2023 წლის მარტში, ხალხმრავალი აქციებისა და საერთაშორისო კრიტიკის გამო საპარლამენტო უმრავლესობა იძულებული გახდა, „უცხოეთის აგენტების კანონი“ ჩაეგდო და პირობა დადო, რომ პროექტს აღარ დაუბრუნდებოდა. კანონი ეხება საქართველოში არსებულ თითქმის ყველა არასამთავრობო ორგანიზაციას და არაერთ მედიასაშუალებას, მათ შორის რადიო თავისუფლებასაც. კანონპროექტის პარლამენტში დაბრუნების შემდეგ თბილისში საპროტესტო დემონსტრაციები დაიწყო. პოლიციამ არაერთხელ გამოიყენა ცრემლსადენი გაზი, წყლის ჭავლი და „წიწაკის სპრეი“. ასევე ნახეთ შსს: „რა იცით, რომ პოლიციელები ისროდნენ?“ - რეზინის ტყვიები აქციაზე. რვა ამბავი ევროკავშირმა და ამერიკის შეერთებულმა შტატებმა საქართველოს ხელისუფლება არაერთხელ გააფრთხილეს, რომ კანონის მიღება უარყოფითად იმოქმედებს ევროკავშირისკენ საქართველოს სვლაზე. ...