3 მაისის შუაღამის შემდეგ, დაახლოებით 02:40 წუთზე, გმირთა მოედანზე საპატრულო პოლიციის წარმომადგენლები გამოჩნდნენ. ამ დროისთვის ადგილზე დემონსტრანტების მხოლოდ მცირე ნაწილი იყო დარჩენილი. პოლიციელებმა აქციის მონაწილეებს გზის სავალი ნაწილის გათავისუფლებისკენ მოუწოდეს, რასაც წინააღმდეგობა არ მოჰყოლია. გმირთა მოედნიდან რამდენიმე ქუჩის მიმართულებით ნაგვის ურნებითა და სხვა საგნებით ჩახერგილი ტერიტორია პოლიციელებმა გაათავისუფლეს. გმირთა მოედნის გახსნამდე, აქციის მონაწილეთა ნაწილი რუსთაველის გამზირისკენ დაიძრა მსვლელობით. “აგენტების კანონის” მოწინააღმდეგე აქციის მონაწილეებმა გმირთა მოედანზე შეკრება 2 მაისის საღამოს, 18:00 საათისთვის დაიწყეს. გმირთა მოედანი, თამარ მეფის გამზირი, მარცხენა სანაპირო ექვს საათზე მეტი ხნის განმავლობაში იყო გადაკეტილი. შეკრების დაწყებიდან მალევე, გზის გადაკეტვის პირველი მცდელობისას პოლიციამ დააკავა რამდენიმე დემონსტრანტი. მათ შორის, მეგობრების და ჯგუფის წევრების ინფორმაციით, დაკავებული არიან ჯგუფ "ქვემეხის" წარმომადგენელი სანდრო ქერაული და Bedford Falls-ის წევრი მიხო კალანდარიშვილი. რადიო თავისუფლებამ, რამდენიმე მცდელობის მიუხედავად, შინაგან საქმეთა სამინისტროსგან ვერ მიიღო ინფორმაცია დაკავებულთა რაოდენობის შესახებ. პოლიციამ, რამდენიმე მომიტინგის დაკავების შემდეგ, გადაკეტილი საავტომობილო გზა გახსნა. სამართალდამცავებმა აქციის მონაწილეები ტროტუარზე გადაიყვანეს, თუმცა მალევე მათ გზის ხელახლა გადაკეტვა მოახერხეს. პარალელურად, "აგენტების კანონის" საწინააღმდეგო აქცია იმართებოდა რუსთაველის გამზირზე, პარლამენტის შენობის წინ. ცოტა ხნის წინ, იქ მყოფმა აქციის მონაწილეებმა გმირთა მოედნის მიმართულებით დაიწყეს მსვლელობა. მანამდე დემონსტრანტებმა გმირთა მოედნის ესტაკადაზე საავტომობილო გზის ნაწილი გადაკეტეს. აქციის ერთ-ერთმა მონაწილემ რადიო თავისუფლებასთან განმარტა, რომ პროტესტის ამ მეთოდით სურთ, დისკომფორტი შექმნან და რაც შეიძლება ბევრ ადამიანს მიაწვდინონ ხმა. აქციაზე ისმის შეძახილები: "არა რუსულ კანონს", "გამოდით". ასევე ნახეთ პოლიციამ გმირთა მოედანზე აქციის რამდენიმე მონაწილე დააკავა 3 მაისს, დაახლოებით ღამის 01:00 საათისთვის, ინციდენტი მოხდა გმირთა მოედანზე. თვითმხილველები და მათ შორის დაშავებული ორი მამაკაცი ჰყვებოდნენ, რომ მათ თავს დაესხნენ „პროვოკატორები“, რომლებიც ავტომობილებით შეცვივდნენ გმირთა მოედანზე, გადმოვიდნენ ავტომანქანებიდან და ფიზიკურად გაუსწორდნენ. ასევე ნახეთ გმირთა მოედანზე აქციაზე ინციდენტი მოხდა - სცემეს რამდენიმე ადამიანს 1 მაისს საქართველოს პარლამენტმა „აგენტების კანონი“ პლენარულ სხდომაზე მეორე მოსმენით მიიღო. „უცხოური გავლენის გამჭვირვალობის" კანონ...