გაერთიანებული სამეფოს ყოფილი ელჩი საქართველოში, ყოფილი დიპლომატი ალექსანდრა ჰოლ ჰოლი აკრიტიკებს საქართველოს პრემიერ-მინისტრ ირაკლი კობახიძის ბოლო განცხადებას აშშ-ის მიმართ და ამბობს, რომ ეს სიტყვები პრემიერ-მინისტრს არ შეეფერება. „საქართველოს პრემიერ-მინისტრის გასაოცრად შეურაცხმყოფელი ენა აშშ-ის მთავრობის მიმართ ნათელს ხდის, რომ საქართველოს ამჟამინდელმა მთავრობამ გადაწყვიტა, მთლიანად გაწყვიტოს ურთიერთობები აშშ-სთან და რუსეთის წინ მუხლებზე დაემხოს, ქართველი ხალხის აბსოლუტური უმრავლესობის სურვილის საწინააღმდეგოდ. ყბა ჩამოგივარდება ადამიანს“, - დაწერა ჰოლ-ჰოლმა პლატფორმა X-ზე (ყოფილ ტვიტერზე). три „ეს გატუტუცებული, ჭიჭყინა ბავშვის სიტყვებია და არა ქვეყნის პრემიერ-მინისტრისა, განსაკუთრებით ისეთი ქვეყნის, რომელსაც აშშ ასე მტკიცედ უჭერდა მხარს დამოუკიდებლობის შემდეგ“, - წერს იგი. три ჰოლ ჰოლ 2013-2016 წლებში იყო ელჩი საქართველოში. მოგვიანებით იგი აშშ-ში ბრიტანეთის საელჩოში მუშაობდა. მან 2019 წელს დატოვა დიპლომატიური სამსახური საკუთარ მთავრობასთან ბრექსიტის საკითხზე შეუთანხმებლობის შემდეგ. ირაკლი კობახიძემ შეერთებული შტატების სახელმწიფო დეპარტამენტი საქართველოში „რევოლუციური მცდელობის“ მხარდაჭერასა და „ცრუ განცხადებებში“ დაადანაშაულა. ეს ორ ქვეყანას შორის ურთიერთობებში, რომლებიც 2009 წლიდან სტრატეგიული პარტნიორები არიან, უპრეცედენტო მოვლენაა. ასე დაძაბული საქართველოსა და აშშ-ს შორის ურთიერთობები არასოდეს ყოფილა. 2 მაისს კობახიძეს ტელეფონით ესაუბრა აშშ-ის სახელმწიფო მდივნის მრჩეველი, დერეკ შოლე. შოლემ X-ზე დაწერა, რომ კობახიძეს კიდევ ერთხელ განუცხადა, რომ საქართველოს „მთავრობის მტრული რიტორიკა და ანტიდემოკრატიული კანონმდებლობის მხარდაჭერა საფრთხეს უქმნის საქართველოს ევროატლანტიკურ მომავალს“ და „შეერთებული შტატები მოუწოდებს საქართველოს მთავრობას, დაუბრუნდეს საქართველოს ევროატლანტიკური მომავლისთვის მუშაობას, რაც ქართველების აბსოლუტურ უმრავლესობას სურს“. ასევე ნახეთ აშშ-ის სახელმწიფო დეპარტამენტის მრჩეველი პრემიერ კობახიძეს ტელეფონით ესაუბრა პასუხად კობახიძემ განაცხადა, რომ შოლესთან საუბარში გამოხატა „გულწრფელი იმედგაცრუება 2020-23 წლების ორი რევოლუციური მცდელობის გამო, რომელიც ამერიკის ყოფილი ელჩის მხარდაჭერით და გარედან დაფინანსებული „ენჯეოების“ მეშვეობით განხორციელდა“. მისი თქმით, „მაშინდელი მცდელობები წარმატებული რომ ყოფილიყო, დღეს საქართველოში მეორე ფრონტი იქნებოდა გახსნილი“. „ბატონ შოლეს განვუმარტე, რომ ამ ფონზე ურთიერთობების გადატვირთვა განსაკუთრებულ ძალისხმევას საჭიროებს, რაც სამართლიანი და კეთილსინდისიერი მიდგომის გარეშე შეუძლებელია“, - დაწერა კობახიძემ. ასევე ნახეთ კობახიძემ აშშ-ის სახელმწიფო დეპარტამენტის წარმომადგენელ...