საერთაშორისო უფლებადაცვითი ორგანიზაცია, "ამნესტი ინტერნეიშენალი" საქართველოში "აგენტების კანონის" საპარლამენტო განხილვას და ამ სადავო კანონპროექტის წინააღმდეგ პროტესტს ვრცელი განცხადებით ეხმაურება. ორგანიზაცია პროტესტს ცალსახად მშვიდობიანად მიიჩნევს, სახელმწიფოს მხრიდან ძალის გამოყენებას კი - ცალსახად უკანონოდ. "პოლიციამ და უსაფრთხოების ძალებმა პატივი უნდა სცენ საერთაშორისო კანონებსა და სტანდარტებს ძალის გამოყენებისას. ბრალდებები მშვიდობიანი პროტესტის მონაწილეების წინააღმდეგ ძალის უკანონოდ გამოყენების შესახებ, მათ შორის, ქიმიური გამაღიზიანებლების, წყლის ჭავლის და რეზინის ტყვიების, დაუყოვნებლად, დამოუკიდებლად და მიუკერძოებლად უნდა იქნეს გამოძიებული. ეჭვმიტანილმა სახელმწიფო მოხელეებმა პასუხი უნდა აგონ მიუჯერძოებელი სასამართლოს წინაშე", - წერს ორგანიზაცია და საქართველოს მთავრობას მოუწოდებს - უარი თქვას "აგენტების კანონის" განხილვის გაგრძელებაზე, რომელიც საქართველოში მკვეთრად გააუარესებს გამოხატვის თავისუფლების მხრივ არსებულ მდგომარეობას. "ამნესტი ინტერნეიშენალის" შეფასებით, 15 აპრილის შემდეგ, როცა მოქალაქეებმა აქტიურად დაიწყეს სადავო კანონპროექტის წინააღმდეგ გამოსვლები, პოლიციამ კი დემონსტრანტების წინააღმდეგ ძალის გამოყენება, არაერთი შესაძლო კანონდარღვევა და მშვიდობიანი პროტესტისთვის ხელის შეშლის ფაქტი გამოიკვეთა. ორგანიზაცია საეჭვოდ მიიჩნევს 15 და 16 აპრილის აქციებზე მოქალაქეების დაკავების საჭიროებას და აქცენტს აკეთებს იმაზე, რომ ამ დღეებში მედიის არაერთმა წარმომადგენელმა მიიღო დაზიანება. ქიმიური გამაღიზიანებლების [წიწაკის სპრეისა და ცრემლსადენი გაზის] და წყლის ჭავლის ერთდროულად გამოყენების საჭიროება 30 აპრილს ბუნდოვანია - ეს პრაქტიკა განსაკუთრებით დაუშვებელია მაშინ, თუ პოლიცია ამ საშუალებებს წინასწარი გაფრთხილების გარეშე იყენებს. მოქალაქეების დევნა, ცემა და მათზე ფიზიკური ანგარიშსწორება, განსაკუთრებით მაშინ, როცა ისინი საფრთხეს არ წარმოადგნენ, დაუშვებელია. ორგანიზაცია ცალკე გამოყოფს ქალების ცემას, არასრულწლოვნების დაკავებას და სამართალდამცველების მიერ პროტესტის მონაწილეების ჯგუფურად, ხელკეტებით ცემის ფაქტებს. სამართალდამცველების გარდა სხვა პირების ჩართვა მოქალაქეების დარბევის პროცესში. წვრილმანი ხულიგნობისა და პოლიციელისადმი დაუმორჩილებლობის ბრალდებით დაკავებულთა ადგილსამყოფელის ბუნდოვანება, დაშავებული დაკავებულებისთვის სამედიცინო სერვისების შეფერხებით გაწევა და შეზღუდვა ადვოკატებთან კომუნიკაციაზე. დაკავებულების წინასწარი პატიმრობისთვის მაქსიმალური ვადის, 48 საათის გამოყენება დასაბუთების გარეშე. ლეტალური იარაღის გამოყენებისას სიფრთხილის ზომებისა და საერთაშორისო სტანდარტების დაუცველობა. კერძოდ, რეზინის ტყვი...