5 მაისს სიონის საკათედრო ტაძარში სააღდგომო ლიტურგიაზე პრემიერ-მინისტრ ირაკლი კობახიძის დასწრების შესახებ იუწყება საქართველოს მთავრობის ადმინისტრაცია. იქვე აღნიშნულია, რომ კობახიძე იმყოფებოდა „პარლამენტის თავმჯდომარე შალვა პაპუაშვილთან, აღმასრულებელი და საკანონმდებლო ხელისუფლების წევრებთან ერთად“. მთავრობის ვებსაიტსა და „ფეისბუკის“ ოფიციალურ გვერდზე არ წერია, რომ ტაძარში იყო საქართველოს პრეზიდენტი სალომე ზურაბიშვილი.три საქართველოს პრეზიდენტი არაერთხელ გამოჩნდა სიონის ტაძრიდან პირდაპირი ტრანსლაციის კადრებში.три სალომე ზურაბიშვილმა „ინსტაგრამის“ ანგარიშზე განათავსა ვაზიანში იმავე დღეს გადაღებული ფოტო, რომლის ფონად ჩანან მის პოლიტიკურ ოპონენტებად ქცეული ხელისუფლების მაღალი თანამდებობის პირები. 30 აპრილი. ვაზიანი. საქართველოს თავდაცვის ძალების 33-ე წლისთავთან დაკავშირებული საზეიმო ღონისძიება. საქართველოს პრეზიდენტი სალომე ზურაბიშვილი. სწორედ, ვაზიანში განაცხადა პრემიერ-მინისტრმა ირაკლი კობახიძემ, რომ პრეზიდენტს შეგნებულად არ მიესალმა. ასევე ნახეთ პრემიერი კობახიძე პრეზიდენტ ზურაბიშვილს არ მიესალმა და მოღალატე უწოდა 2018 წლის საპრეზიდენტო არჩევნებში „ქართულ ოცნებას" საკუთარი კანდიდატი არ დაუსახელებია. მმართველი პარტია ღიად უჭერდა მხარს სალომე ზურაბიშვილს. 2018 წლის საპრეზიდენტო არჩევნების კამპანია. ირაკლი კობახიძე, სალომე ზურაბიშვილი და „ქართული ოცნების“ დამფუძნებელი ბიძინა ივანიშვილი. საპრეზიდენტო არჩევნების მეორე ტურამდე რამდენიმე დღით ადრე, საქართველოში თითქმის ყველგან მოიხსნა ბანერები სალომე ზურაბიშვილის ფოტოსურათით და მის ნაცვლად „ქართული ოცნების“ ლიდერები გამოჩნდნენ, მათ შორის იყო ირაკლი კობახიძის ფოტო, წარწერით: სალომე ზურაბიშვილი. სალომე ზურაბიშვილის მხარდასაჭერად გაკრული ერთ-ერთი ბილბორდი 2018 წლის საპრეზიდენტო არჩევნების დროს „ქართულ ოცნებასა“ და პრეზიდენტ სალომე ზურაბიშვილს შორის დაპირისპირება გამწვავდა გასული წლის მარტში, როცა პარლამენტში სიტყვით გამოსვლისას სალომე ზურაბიშვილმა მმართველი ევროპული გზიდან გადახვევაში დაადანაშაულა და თქვა, რომ თბილისში მოსკოვის „მესიჯებს“ იმეორებენ. მოგვიანებით ევროპის ქვეყნებში მთავრობის ნებართვის გარეშე ვიზიტების გამართვის გამო „ოცნებამ“, პრეზიდენტის იმპიჩმენტის პროცედურა დაიწყო - სასამართლომ კონსტიტუციის დარღვევა დაადგინა, თუმცა საპარლამენტო უმრავლესობამ პარლამენტში საჭირო 100 ხმა ვერ მოაგროვა. ...