უნგრეთის პრემიერ-მინისტრ ვიქტორ ორბანის მემარჯვენე მთავრობის მეტოქემ, პეტერ მადიარმა ქალაქ დებრეცენში მომხრეებს უთხრა, რომ ქვეყანაში იწყება ცვლილებები, რომელთა აღკვეთასაც ამჟამინდელი ლიდერები ვერ შეძლებენ. "ცვლილებები შეიძლება რამდენიმე დღით გააჩერო, რამდენიმე კვირით, მაგრამ ის ისტორიაში არავის გაუჩერებია და ამას ვერც ისინი შეძლებენ" - განაცხადა მადიარმა 3 მაისს. 43 წლის მადიარმა - რომელიც ორბანის პარტია ფიდესს თებერვალში გამოეყო საჯაროდ - აქცია გამოიყენა ახალი პოლიტიკური ერთობის გამოსაცხადებლად, რომლის მიზანი იქნება ორბანის ადმინისტრაციით და ფრაგმენტიზებული ოპოზიციით იმედგაცრუებული კონსერვატორების და ლიბერალების გაერთიანება. მიტინგზე სიტყვით გამოვიდა მსახიობი და პროდიუსერი ერვინ ნადიც - "განწყობა რევოლუციურია, 1956 წლის მსგავსად", განაცხადა მან, საბჭოთა კავშირის მიერ მხარდაჭერილი ლიდერების წინააღმდეგ უნგრელთა ისტორიულ აჯანყებაზე მინიშნებით. ასევე ნახეთ ბუდაპეშტში კიდევ ერთი მასობრივი დემონსტრაცია გაიმართა ცვლილებების მოთხოვნით ...