სიმღერის კონკურსის, "ევროვიზიის" ორგანიზატორებმა ბოდიში მოიხადეს მას მერე, რაც შვედმა მომღერალმა პოლიტიკური სიმბოლიკით გამოსვლის აკრძალვის წესი დაარღვია - სიმღერის შესრულების დროს მას ხელზე პალესტინური შარფი ეკეთა. შვედმა ერიკ საადემ, რომელსაც პალესტინური წარმოშობის მამა ჰყავს, შოუს დაწყების წინ განაცხადა, რომ სურს პროტესტი გამოხატოს იმის გამო, რომ კონკურსზე ისრაელის წარმომადგენელი დაუშვეს. თვითონ საადე კონკურსის ყველაზე წინააღმდეგობრივი შემსრულებელი გამოდგა და საბოლოო ჯამში, ფინალში გავიდნენ ხორვატიის და უკრაინის წარმომადგენლები. შეჯიბრის მსვლელობას ჩრდილი მიაყენა მონაწილეობამ ისრაელისა, რომლის მიმართ მსოფლიოში კრიტიკა ისმის ღაზაში ომის - იქ შექმნილი ჰუმანიტარული ვითარების გამო. შვედეთის ტელეკომპანია SVT-მ და კონკურსის მთავარმა ორგანიზატორმა ევროპის სამაუწყებლო კავშირმა გააკრიტიკეს შვედი მომღერლის მიერ კონკურსის წესის დარღვევა. „ვწუხვართ, რომ მან თავისი მონაწილეობა ამგვარად გამოიყენა“, - უთხრა AFP-ს კონკურსის პროდიუსერმა ება ედიელსონმა. "ევროვიზია 2024-ის" სხვა მონაწილეები გამოვიდნენ ღაზაში ცეცხლის შეწყვეტისკენ მოწოდებით ან ისრაელის მიმართ კრიტიკით, მაგრამ მიუთითეს, რომ გამოსვლის დროს პოლიტიკური გზავნილები არ უნდა ეჩვენებინათ. უსაფრთხოების მოსაზრებით, ისრაელის წარმომადგენელს, ედენ გოლანს, ურჩიეს, მალმეში, სასტუმროში, დარჩენილიყო 9 მაისს მეორე ნახევარფინალში გამოსვლამდე. მოელიან, რომ ქალაქში მოეწყობა დემონსტრაციები კონკურსიდან ისრაელის გარიცხვის მოთხოვნით. ევროვიზიის სიმღერის კონკურსის პირველი ირლანდიელი ფინალისტი 2018 წლის მერე კრიტიკის გამოვიდა კონკურსის ორგანიზატორების მიმართ იმის გამო, რომ მათ მოითხოვეს პალესტინელთა მიმართ სოლიდარობის გზავნილების შეცვლა. ბემბი თუგი ფინალში გავიდა სიმღერით Doomsday Blue. 31 წლის მომღერალმა, მალმეში პრესკონფერენციაზე თქვა, რომ მას მოუწია თავის სხეულზე წაეშალა შუასაუკუნეობრივ ოღამის ანბანზე წარწერა მოთხოვნით „შეწყდეს ცეცხლი, თავისუფლება,“ რაც ღაზის სექტორში ვითარებასა და კონკურსში ისრაელის ჩართვაზე იყო მინიშნება. მომღერალმა განაცხადა, რომ ეს ძალიან მნიშვნელოვანი იყო მისთვის, რადგან მე სამართლიანობისა და მშვიდობის მომხრე ვარ“. 11 მაისისთვის დაგეგმილ ფინალში გავიდნენ უკრაინელები, ალიონა ალიონა და ჯერი ჰეილი, ასევე ჯგუფი ხორვატიიდან - Baby Lasagna. საფინალო კონკურსში მონაწილეობენ სერბეთის, პორტუგალიის, სლოვენიის, ლიეტუვის, ფინეთის, კვიპროსის, ირლანდიის და ლუქსემბურგის წარმომდგენლები. შვედეთი, როგორც მოქმედი გამარჯვებული, ხოლო ბრიტანეთი, საფრანგეთი, გერმანია, იტალია და ესპანეთი, როგორც ევროპის სამაუწყებლო კავშირის მთავარი გადამხდელები, ავტომატურად მოხვდნენ საფინალო კონკურსში. ასევე ნახეთ გაი...