ესტონეთის საგარეო საქმეთა მინისტრი მარგუს ცახნა X-ზე (ყოფილი ტვიტერი) ეხმაურება საქართველოში მიმდინარე პროცესებს და შემაშფოთებელსა და სამწუხაროს უწოდებს იმას, რასაც თბილისში აქვს ადგილი. კერძოდ, ესტონელი დიპლომატი მიიჩნევს, რომ სატელეფონო მუქარა მოქალაქეების მიმართ და "ხალხის მტრის" სიების შედგენის ინიციატივები მოქალაქეების პროტესტზე პასუხად, მიუღებელია. „ცნობები მუქარის შემცველი სატელეფონო ზარების შესახებ, „ხალხის მტრების“ სიების შედგენის ინიციატივასა და ქართველი ხალხის მიმართ სერიოზულ შეურაცხყოფაზე, სამწუხარო და შემაშფოთებელია. გამოხატვის თავისუფლება, მშვიდობიანი შეკრებები და მომიტინგეების პერსონალური მონაცემები დაცული უნდა იყოს “, - წერს ესტონეთის საგარეო საქმეთა მინისტრი. три 9 მაისს, ღამის საათებში, თბილისში არასამთავრობო ორგანიზაციების ოფისების კედლებზე, სამოქალაქო აქტივისტების სახლებთან, პოლიტიკური პარტიების ოფისების კარებზე და ჟურნალისტების საცხოვრებელ კორპუსებთან გაჩნდა წარწერები და პოსტერები. ასევე ნახეთ პოსტერები ოფისების და სახლების კედლებზე, წარწერები მანქანებზე - თბილისში სიძულვილის ახალი კამპანია დაიწყო „აგენტების კანონის" წინააღმდეგ მიმდინარე საპროტესტო აქციების მონაწილეებზე, ჯერჯერობით დაუდგენელი პირების მხრიდან ბოლო დღეებში არაერთი თავდასხმა იყო. სამოქალაქო საზოგადოების და ოპოზიციური პარტიების წარმომადგენლები მიიჩნევენ, რომ ძალადობის ინიციატორი მმართველი პარტია „ქართული ოცნებაა". გასულ ღამით, ჯერჯერობით დაუდგენელმა პირებმა თბილისში, ქუჩაში, ფიზიკურად იძალადეს „აგენტების კანონის” მოწინააღმდეგეებზე, საერთაშორისო ურთიერთობების სპეციალისტ გია ჯაფარიძეზე, აქტივისტ ლაშა ღვინიანიძესა და „ნაციონალური მოძრაობის“ წევრ დიმიტრი ჩიქოვანზე. ასევე ნახეთ 8 მაისის თავდასხმებზე გამოძიება ძალადობის მუხლით დაიწყო 7 მაისს უცნობმა პირმა სიტყვიერი და ფიზიკური შეურაცხყოფა მიაყენა „ინფორმაციის თავისუფლების განვითარების ინსტიტუტის" აღმასრულებელ დირექტორ გიორგი კლდიაშვილს და ტელეკომპანია „ფორმულის“ გადამღები ჯგუფის წევრებს. 3 მაისს უცნობი პირები ფიზიკურად გაუსწორდნენ გმირთა მოედანზე მიმდინარე აქციის მონაწილეებს. საქართველოს შინაგან საქმეთა მინისტრი ვახტანგ გომელაური „ყველანაირ თავდასხმას“ გმობს, თუმცა მისთვის გაუგებარია, რა პასუხისმგებლობა უნდა აიღოს. ამის შესახებ გომელაურმა დღეს, 9 მაისს, ჟურნალისტებს განუცხადა თბილისში, ვეტერანთა დასვენების და კულტურის პარკში, სადაც მთავრობის სხვა წევრებთან ერთად იმყოფებოდა ფაშიზმზე გამარჯვების დღის აღსანიშნავად. მისი თქმით, თბილისში წუხელ მომხდარი თავდასხმების გამოძიება „მყისიერად" დაიწყეს. ასევე ნახეთ შს მინისტრი ამბობს, რომ თბილისში წუხელ მომხ...