ევროკავშირის ელჩმა საქართველოში პაველ ჰერჩინსკიმ ევროპის დღის აღსანიშნავი ღონისძიების დაწყებამდე რუსთაველის თეატრში მედიასთან კომენტარი გააკეთა "აგენტების კანონის" გამო არსებულ საზოგადოებრივ დაძაბულობასა და კანონის მოწინააღმდეგეების მიმართ ანგარიშსწორებაზე. მისი თქმით, საქართველოში კვლავ ძალიან ღრმაა პოლარიზაცია, ძალადობა კი დაუყოვნებლივ უნდა შეწყდეს. "სამწუხაროა, რომ ჩვენ ამას ვხედავთ ყოველ ღამით ჩვენი ტელევიზორების ეკრანიდან, ვიგებთ დაშინების მიზნით სატელეფონო ზარებზე, მუქარაზე, ჩვენ ვხედავთ ძალადობას, ცემას. ეს დაუყოვნებლივ უნდა შეწყდეს.” მან გაიმეორა დასავლელი ლიდერების პოზიცია და თქვა, რომ "უცხოეთის გავლენის გამჭვირვალობის" კანონპროექტი, არსებული სახით, სერიოზულ დაბრკოლებას წარმოადგენს ევროკავშირში საქართველოს ინტეგრაციის გზაზე. "ჩვენ გულწრფელად მოველით, რომ მოიძებნება ამ კანონპროექტის გაწვევის ან მისი სერიოზულად შეცვლის საშუალება." ელჩის განცხადებით, უახლოეს დროში მოელიან კანონპროექტზე ვენეციის კომისიის დასკვნას და მოელის, რომ მოიძებნება საპარლამენტო პროცედურები იმისთვის, რომ კანონპროექტი არსებული სახით არ მიიღონ. "ამიტომ ამ ეტაპზე იმედი ვიქონიოთ, რომ ამ კანონს არ მიიღებენ და ჩვენ არ მოგვიწევს ევროკავშირის მხრიდან შესაძლო უარყოფითი რეაქციების განხილვა”, - თქვა პაველ ჰერჩინსკიმ, მისი სიტყვებით, საქართველოს პარლამენტის დეპუტატებთან და ყველა პოლიტიკურ ძალასთან ერთად განიხილავენ ყველა შესაძლებლობას, რათა კანონი არ იქნეს მიღებული და ევროკავშირის 27 წევრი ქვეყნის ლიდერებს არ მოუწიოთ შედეგებზე რეაგირების გზების ძიება. "გულწრფელად ვიმედოვნებ, რომ ჩვენ არ გადავალთ ამ საფეხურზე. არ მსურს ხალხი დაისაჯოს, თითოეული ადამიანი დაზარალდება”, - თქვა ჰერჩინსკიმ. 8 მაისს ევროკავშირის წევრი ქვეყნების ელჩებმა ბრიუსელში კიდევ ერთხელ იმსჯელეს საქართველოზე და, სხვა საკითხებთან ერთად, განიხილეს პოტენციური ზომები იმ სცენარისთვის, თუკი საქართველოში მიიღებენ კანონს უცხოეთის აგენტების შესახებ. რადიო თავისუფლების ევროპის ბიუროს რედაქტორი რიკარდ იოზვიაკი იუწყება, რომ „სავიზო რეჟიმის ლიბერალიზაციის შეჩერება არ არის გამორიცხული“ და „ყველანაირი ზომა განიხილება“. ასევე ნახეთ „უვიზო რეჟიმის შეჩერება არ არის გამორიცხული“ - ევროკავშირის ელჩებმა ისევ იმსჯელეს საქართველოზე 2024 წლის პირველ მაისს პარლამენტმა, ხანგრძლივი და მრავალათასიანი საპროტესტო დემონსტრაციების მიუხედავად, პლენარულ სხდომაზე „აგენტების კანონი“ მეორე მოსმენით მიიღო. კანონი ეხება საქართველოში არსებულ თითქმის ყველა არასამთავრობო ორგანიზაციას და არაერთ მედიასაშუალებას, მათ შორის რადიო თავისუფლებასაც. კანონპროექტის პარლამენტში დაბრუნების შემდეგ თბილისში საპროტეს...