მოგვიანებით ადვოკატმა გიორგი მახარაძემ რადიო თავისუფლებას უთხრა, რომ ის ორთაჭალაში დროებითი მოთავსების იზოლატორში გადაიყვანეს და მას ბრალად სდებენ ცეცხლსასროლი იარაღისა და საბრძოლო მასალის უკანონო შეძენა-შენახვას. ადვოკატის გიორგი მახარაძის თქმით, ის რომ მისი დაცვის ქვეშ მყოფის მიმართ გამოძიება სისხლის სამართლის კოდექსის 236-ე მუხლითაა დაწყებული, პოლიციელების სიტყვიერი განცხადებიდან იციან. უჩა აბაშიძის მეგობარი შოთა თუთბერიძე ამბობს, რომ უჩა აბაშიძეს აქვს დრონის ნაწილები და ეარსოფტის იარაღი, მას გაფორმებული აქვს ტაბელური იარაღიც. თუთბერიძის თქმით, თუ ამოღებულ ნივთებს შორის სხვა რამ აღმოჩნდა ის "პოლიციის მიერ იქნება ჩადებული" შინაგან საქმეთა სამინისტრომ მოგვიანებით გაავრცელა განცხადება, რომლის მიხედვით უჩა აბაშიძის დაკავება სხვადასხვა სამთავრობო უწყების, კერძოდ შინაგან საქმეთა სამინისტროს, იუსტიციის სამინისტროსა და საქართველოს პარლამენტის ვებგვერდებზე განხორციელებული კიბერშეტევის ფაქტებზე გამოძიებას უკავშირდება. თუმცა სამხედრო ბლოგერი ცეცხლსასროლი იარაღის და საბრძოლო მასალის მართლსაწინააღმდეგო შეძენა შენახვის გამო დააკავეს. შსს-ს განცხადებაში წერია, რომ თბილისში, ი. აბაშიძის #22-ში მდებარე ერთ-ერთ საცხოვრებელ ბინაში, აჩატარებული ჩხრეკის შედეგად უკანონო ცეცხლსასროლი იარაღი და საბრძოლო მასალა ამოიღეს, გამოძიება კი "გრძელდება სისხლის სამართლის კოდექსის 286-ე მუხლის მე-4 ნაწილით და 236-ე მუხლის მე-3 ნაწილით, რაც კრიტიკული ინფორმაციული სისტემის სუბიექტის მიმართ ჩადენილ კომპიუტერული მონაცემის ან კომპიუტერული სისტემის ხელყოფას და ცეცხლსასროლი იარაღის და საბრძოლო მასალის უკანონო შეძენა-შენახვას გულისხმობს". უჩა აბაშიძის სახლში პოლიცია 9 მაისის გვიან საღამოს შევიდა. ინფორმაციის გავრცელების შემდეგ ადგილზე მივიდნენ მოქალაქეებიც. ისინი სკანდირებდნენ "უჩა! უჩა!" პოლიციელების მისამართით კი სკანდირებდნენ "მონებო". ადვოკატს თავისი დაცვის ქვეშ მყოფის სახლში შესვლის საშუალება დაკავებამდე რამდენიმე წუთით ადრე მიეცა. три დაკავებამდე, უჩა აბაშიძის სახლიდან გარკვეული ნივთები გაიტანეს. უჩა აბაშიძე სტრაიკბოლის ფედერაციის ხელმძღვანელია, მოლაშქრეა, youtube-ს არხზე აქვს თავისი პერსონალური ვლოგი, რომელსაც 7 ათაზე მეტი გამომწერი ჰყავს. მისი როგორც ბლოგერის პოპულარობა გაიზარდა უკრაინის ომის შესახებ მომზადებული მასალების შემდეგ, უჩა აბაშიძე საქართველოს მმართველო პარტიის "ქართული ოცნების" მიერ ინიციირებული "აგენტების კანონის" კრიტიკოსი და საპროტესტო აქციების აქტიური მონაწილეა. ასევე ნახეთ ბლოგერ უჩა აბაშიძის სახლში პოლიციაა შესული 9 მაისის დილას, 10 საათზე შინაგან საქმეთა სამინისტოში გამართულ ბრიფინგზე ...