შაბათს, 11 მაისს, საღამოს ცხრა საათისთვის ათობით ათასი შეიკრიბა თბილისში, რიყეზე, ევროპის მოედანზე, „ქართული ოცნების“ ხელახლა ინიციირებული „აგენტების კანონის“ წინააღმდეგ. დემონსტრანტებმა სამი ადგილიდან - რესპუბლიკის მოედნიდან, მარჯანიშვილის მოედნიდან და 300 არაგველის მეტროდან - დაიწყეს მსვლელობა დევიზით „კი ევროპას! არა რუსულ კანონს!“ три ამასთან, მოქალაქეები, რომლებიც მანამდე დიდუბეში, „ექსპო ჯორჯიასთან“ იყვნენ შეკრებილები, შეუერთდნენ მარჯანიშვილის გამზირზე შეკრებილებს. ასევე ნახეთ თბილისში სამი ადგილიდან დაიწყო მსვლელობა ევროპის მოედნისკენ „აგენტების კანონის“ წინააღმდეგ დემონსტრანტების სამი ტალღა ევროპის მოედანზე შეუერთდა ერთმანეთს. მოქალაქეების ჯგუფები კვლავ უერთდებიან აქციას. დღევანდელი დემონსტრაცია აქციების ერთ-ერთმა სპიკერმა, ლევან ცუცქირიძემ გახსნა. მის შემდეგ სცენარე გამოვიდა მუსიკოსი ნიაზ დიასამიძე, რომელმაც მუსიკალური ნორმის შესრულების შემდეგ, ასევე მიმართა შეკრებილ საზოგადოებას. აქცია-კონცერტი გრძელდება. ასევე ნახეთ შვიდი ოპოზიციური პარტიის განცხადებით, „რუსულ კანონში“ კოსმეტიკური ცვლილებები მიუღებელია მსვლელობა-დემონსტრაცია ერთი მხრივ, უკავშირდება ევროპის დღეს და მას მედიაში „ევროპის მარშსაც“ უწოდებენ. ამავე დროს, იგი გაგრძელებაა ბოლო კვირების განმავლობაში დაწყებული საპროტესტო აქციებისა „უცხოეთის აგენტების კანონის“ წინააღმდეგ. 2024 წლის 3 აპრილს, „უცხოეთის აგენტების“ შესახებ კანონპროექტის ხელახალ ინიციირებას საზოგადოების პროტესტი მოჰყვა. მმართველმა პარტიამ, „ქართულმა ოცნებამ“, მიუხედავად ხალხმრავალი აქციებისა, პირველ მაისს მეორე მოსმენით მიიღო კანონი. კანონპროექტის მიხედვით, „უცხოური ძალის ინტერესების გამტარებელ ორგანიზაციად“ დარეგისტრირება მოუწევთ იმ მედია და არასამთავრობო ორგანიზაციებს, რომლებიც საქართველოს პარტნიორი ქვეყნებიდან იღებენ დაფინანსებას. ამ ერთი თვის განმავლობაში, საპროტესტო აქციებზე სამართალდამცავებმა რამდენიმე ათეული ადამიანი დააკავეს. პარალელურად, ბოლო დღეებია, ოპოზიციური პარტიების წევრებსა და ოპოზიციურად განწყობილ აქტივისტებს, ჯერჯერობით დაუდგენელი პირები ფიზიკურად უსწორდებიან. გარდა ძალადობის ფაქტებისა, თბილისში, ღამის საათებში, არასამთავრობო ორგანიზაციების ოფისების კედლებზე, სამოქალაქო აქტივისტების სახლებთან, პოლიტიკური პარტიების ოფისების კარებზე და ჟურნალისტების საცხოვრებელ კორპუსებთან ჩნდება წარწერები და პოსტერები. სამოქალაქო საზოგადოების და ოპოზიციური პარტიების წარმომადგენლები ამბობენ, რომ ბოლო დღეებში განხორციელებული სატელეფონო და მასთან ერთად, რეალურ სივრცეში განხორციელებული ძალადობის ინიციატორი მმართველი პარტია „ქართული ოცნებაა“. ...