ევროპარლამენტის წევრები, მირიამ ლექსმანი და ვიოლა ფონ კრამონი, - რომლებიც ევროპარლამენტში საქართველოს საკითხებზე მუშაობენ, - აკრიტიკებენ ევროკავშირის ელჩს საქართველოში, პაველ ჰერჩინსკის, „აგენტების კანონის“ მიღებისა და მიმდინარე მოვლენების ფონზე „ქართული ოცნების“ ლიდერებთან ერთად პოზირებისათვის. ევროპარლამენტარმა მირიამ ლექსმანმა, - ევროპის სახალხო პარტიის (EPP-ის) წევრმა, - პლატფორმა X-ზე გააკრიტიკა ელჩი ჰერჩინსკი: „გაოგნებული ვარ. ევროკავშირის ელჩი ლენტებს ჭრის იმ ხალხთან ერთად, ვინც რუსულ კანონს იღებს, თავს ესხმის დემონსტრანტებს, სცემს ოპოზიციის ლიდერებს და ემუქრება აქტივისტებს? რა შეტყობინებას უგზავნის ეს, ამ კონტექსტში, საქართველოს მოსახლეობას?“ три ლექსმანის კრიტიკა გაიზიარა ევროპარლამენტარმა ვიოლა ფონ კრამონმა, მწვანეები/ევროპის თავისუფლების ალიანსის წევრმა და X-ზე დაწერა: „რატომ ვუჩენთ საქართველოს მთავრობას განცდას, რომ ჩვეულებრივ ვაგრძელებთ საქმიან ურთიერთობებს? რატომ იმეორებს ევროკავშირი შეცდომებს და რატომ აძლიერებს ავტოკრატებს? რისთვის არის ეს ფოტოები? ამით ვაძლიერებთ ანტი-დემოკრატიული ძალების წინააღმდეგ ბრძოლას? ამას არსად არ მივყავართ“. три 11 მაისს, თბილისი, საგამოფენო ცენტრ „ექსპო ჯორჯიაში“ საქართველოში ევროკავშირის წარმომადგენლობა „ექსპო ჯორჯიაში“ ევროპის დღისადმი მიძღვნილ მასშტაბურ ღონისძიებას უმასპინძლა. ღონისძიება ოფიციალურად ევროკავშირის ელჩმა საქართველოში პაველ ჰერჩინსკიმ გახსნა - მან „ევროპის დღის“ ღონისძიებების გახსნის აღსანიშნავად საზეიმოდ გაჭრა ლენტი პრემიერ-მინისტ ირაკლი კობახიძესთან და თბილისის მერ კახა კალაძესთან ერთად. იქვე „ქართული ოცნების“ სხვა ლიდერებიც იმყოფებოდნენ. ელჩმა ჰერჩინსკიმ, თავის მხრივ, მედიასთან კიდევ ერთხელ გააკრიტიკა „აგენტების კანონი“ და განაცხადა: „იმედი მაქვს, კანონი საერთოდ არ დამტკიცდება ან იქნება სრულიად განსხვავებული, რომელიც ვენეციის კომისიის იურიდიულ დასკვნაზე იქნება დაფუძნებული“. 8 მაისს ევროკავშირის წევრი ქვეყნების ელჩებმა ბრიუსელში კიდევ ერთხელ იმსჯელეს საქართველოზე და, სხვა საკითხებთან ერთად, განიხილეს პოტენციური ზომები იმ სცენარისთვის, თუკი საქართველოში მიიღებენ კანონს უცხოეთის აგენტების შესახებ. ფინანსური დახმარების და სტატუსის შესახებ ანგარიშის გადახედვის გარდა, არ გამორიცხეს არც სავიზო რეჟიმის ლიბერალიზაციის შეჩერება. ასევე ნახეთ „სიგნალია, რათა გამოფხიზლდნენ“ - დიპლომატი ბრიუსელიდან უვიზო რეჟიმის შეჩერების დისკუსიაზე ასევე ნახეთ სად მივდივართ? "აგენტების კანონი" ევროპასთან უვიზო რეჟიმს ემუქრება. ბრიუსელი ზომებზე მსჯელობს ...