შინაგან საქმეთა სამინისტრო აცხადებს, რომ პარლამენტთან მიმდებარე ტერიტორიაზე მიმდინარე აქცია „გასცდა შეკრებისა და მანიფესტაციის კანონით დადგენილ ნორმებს და მიიღო ძალადობრივი ხასიათი“. ცოტა ხნის წინ, აქციის მონაწილეებმა პარლამენტთან, წინა მხარეს, აღმართული დამცავი ჯებირი გაჭრეს. შსს აცხადებს, რომ „სამართალდამცველების არაერთი მოწოდების მიუხედავად, აქციის მონაწილეები არ ემორჩილებიან პოლიციის კანონიერ მოთხოვნებს“. პოლიციამ არაერთი ადამიანი ძალის გამოყენებით დააკავა პარლამენტთან. ვითარება კვლავ დაძაბულია. три „საზოგადოებრივი წესრიგის აღდგენის მიზნით შინაგან საქმეთა სამინისტრომ კანონმდებლობით გათვალისწინებული სპეციალური საშუალებები გამოიყენა. შინაგან საქმეთა სამინისტრო კიდევ ერთხელ მოუწოდებს აქციის ყველა მონაწილეს, დაემორჩილონ პოლიციის კანონიერ მითითებებს, არ დაუშვან სიტუაციის ხელოვნურად ესკალაცია, წინააღმდეგ შემთხვევაში სამართალდამცველები გამოიყენებენ კანონით დადგენილ სპეციალურ საშუალებებს“, - წერია განცხადებაში. ცოტა ხნის წინ, პარლამენტმა „აგენტების კანონი“ მესამე, საბოლოო მოსმენით მიიღო - მასობრივი პროტესტის, წინააღმდეგობისა და დასავლეთიდან მოწოდებების მიუხედავად, გაეწვიათ კანონი. კანონს პარლამენტის პლენარულ სხდომაზე გამართულ კენჭისყრაზე 84-მა დეპუტატმა დაუჭირა მხარი. ...