ამ ინფორმაციის გავრცელებას წინ უძღოდა ოკმელაშვილის მიერ დაფუძნებულ სარეკლამო კომპანია "ლიმონში" სამართალდამცველების შესვლა. თანამშრომლები გიორგი ოკმელაშვილს ვერ უკავშირდებოდნენ. ასევე ნახეთ სარეკლამო სააგენტო "ლიმონში" პოლიციაა შესული შსს-ს თანახმად, "პოლიციელებზე თავდასხმის ბრალდებით, წარსულში სხვადასხვა დანაშაულისთვის, მათ შორის ძალადობის, ჯანმრთელობის დაზიანებისა და პოლიციელის კანონიერი მოთხოვნისადმი დაუმორჩილებლობისთვის ნასამართლევი" გიორგი ოკმელაშვილი თბილისში დააკავეს. დანაშაული 7 წლამდე ვადით თავისუფლების აღკვეთას ითვალისწინებს. "გამოძიებით დადგინდა, რომ გ.ო.-მ მიმდინარე წლის 13 მაისს, თბილისში, პარლამენტის მიმდებარე ტერიტორიაზე გამართულ საპროტესტო აქციაზე, ფიზიკური შეურაცხყოფა მიაყენა (შსს ავრცელებს უწყების მიერ დამონტაჟებულ ვიდეოს ) შინაგან საქმეთა სამინისტროს თანამშრომლებს. კერძოდ, აქციის მიმდინარეობისას, დაკავებულმა იდაყვისა და მუშტის დარტყმით პოლიციის თანამშრომლებს სახის არეში დაზიანებები მიაყენა. ჩატარებული საგამოძიებო მოქმედებების შედეგად, გ.ო. სამართალდამცველებმა თბილისში დააკავეს. გამოძიება სისხლის სამართლის კოდექსის 353-ე პრიმა მუხლის პირველი ნაწილით მიმდინარეობს, რაც სამსახურებრივი საქმიანობის შესრულების დროს პოლიციელზე თავდასხმას გულისხმობს", - წერია შსს-ს მიერ გავრცელებულ ინფორმაციაში. "აგენტების კანონის" პარლამენტში დაბრუნების შემდეგ, 2024 წლის აპრილიდან, საქართველოში არ წყდება საპროტესტო გამოსვლები. საპოლიციო ძალებმა დემონსტრანტების წინააღმდეგ არაერთხელ გამოიყენეს სპეციალური საშუალებები და ფიზიკური ძალა, რომელიც ადგილობრივი უფლებადამცველი ორგანიზაციების და დასავლეთის სახელმწიფოების შეფასებით, არაპროპორციული იყო. არის აქტივისტების და პოლიტიკოსების სასტიკად ცემის ფაქტებიც. ასევე ნახეთ ნაცემი და დაშავებული ადამიანები "აგენტების კანონის" მოწინააღმდეგეთა აქციიდან - 16 აპრილი სამართალდამცავების მხრიდან სამსახურებრივი უფლებამოსილების გადამეტების/ძალადობის შესაძლო ფაქტებზე, რამდენიმე გამოძიებაა დაწყებული. უცნობია, იდენტიფიცირებულია თუ არა სავარაუდო ძალადობაში ეჭვმიტანილი რომელიმე პოლიციელი. ...