საქართველოს მართმადიდებელი ეკლესიის საპატრიარქო განცხადებით გამოეხმაურა 14 მაისს თბილისში ვიზიტით მყოფი გერმანიის ბუნდესტაგის საგარეო ურთიერთობათა კომიტეტის თავმჯდომარის მიხაელ როთის განცხადებას. საპატრიარქომ როთის განცხადებას ეკლესიის სტიგმატიზაციის სამწუხარო მცდელობა უწოდა. „ეკლესია მუდმივად ცდილობს საზოგადოებაში დაპირისპირების აღმოფხვრას. მან კი ამ განცხადებით ეკლესია გამიჯნა ახალგაზრდობისა და ქვეყნის ნათელი მომავლისაგან. ეს არის ევროპული ქვეყნის სახელმწიფო მოხელისაგან სამწუხარო მცდელობა ეკლესიის სტიგმატიზაციისა და თანაც ასეთ რთულ ვითარებაში“, - წერია განცხადებაში. დაწესებულება, რომლის მიზანიც საქართველოს მართმადიდებელი ეკლესიის მართვა-გამგეობაა, აცხადებს, რომ მის წიაღში არიან სხვადასხვა პოლიტიკური ძალის წარმომადგენლები. საპატრიარქომ როთის განცხადება მიუღებლად შეაფასა. „გვსურს, ვუპასუხოთ ბატონ მიხეილს, რომ ჩვენ არ ვყოფთ არც ახალგაზრდებს და არც ასაკოვან ადამიანებს იმის მიხედვით, ვინ რა პლატფორმაზე დგას. ჩვენი ახალგაზრდები ეკლესიის წევრები არიან, მის წიაღში იყვნენ და არიან სხვადასხვა პოლიტიკური ძალის წარმომადგენლებიც. ეს ჩვენთვის ბუნებრივი მდგომარეობაა. ამდენად, ბატონი მიხეილის განცხადება სრულიად გაუგებარი, უადგილო და მიუღებელია“, - აცხადებს საპატრიარქო. 13-14 მაისს მიხაელ როთი საქართველოში ოფიციალური ვიზიტით იმყოფება. მან თბლისში გამართულ პრესკონფერენციაზე მხარდაჭერა გამოუცხადა ახალგაზრდებს, რომლებიც „აგენტების კანონის“ წინააღმდეგ დემონსტრაციებში მონაწილეობენ. მან ილაპარაკა საფრთხეზე, რომელიც საქარველოს ემუქრება თუკი ახალგაზრდა თაობის წარმომადგენლები ქვეყანას დატოვებენ. ამასთან ბუნდესტაგის წევრმა ახსენა საქართველოს მართლმადიდებელი ეკლესიასა და „ქართულ ოცნებას“ შორის კავშირი, რაც საპატრიარქომ უარყოფითად შეაფასა. „ჩემი გზავნილი უბრალოდ შეკითხვა იქნება: ძვირფასო ამომრჩევლებო, პატივცემულო ამომრჩევლებო, გსურთ, რომ დაკარგოთ თქვენი შვილები, შვილიშვილები? ვინაიდან, ახლა ახალგაზრდა თაობა ახლა ქუჩაშია გამოსული. თუკი ამ ახალგაზრდა თაობის წარმომადგენლები დაკარგავენ ნდობას თავიანთი ქვეყნის მიმართ, ისინი დატოვებენ ამ ქვეყანას. ჩვენ მათ კი მივიღებთ - ისინი განათლებული, კარგი გამოცდილების მქონე, მოტივირებული ევროპელები არიან, მაგრამ როგორ ააშენებთ საქართველოს ნათელ მომავალს ახალგაზრდა თაობის გარეშე?! მხოლოდ მართლმადიდებელი ეკლესიით, რომელიც მმართველი პარტიის ერთ-ერთი უახლოესი მოკავშირეა?! კეთილი! სცადეთ. ვფიქრობ, ტვინების გადინება იქნება სრული კატასტროფა თქვენი ქვეყნისთვის. ეს არის ჩემი გზავნილი და ჩემი შეკითხვა ჩვეულებრივი ადამიანებისთვის, ქუჩაში გამვლელებისთვის. მე მუშათა კლასიდან მოვდივარ და ზუსტად ვიცი, რა სურთ ამ ადამიანებს. მათ სურთ უსაფრთხო ცხოვრება, მათ სურ...