უკრაინის პრეზიდენტი მოელის, რომ რუსეთი გააძლიერებს შეტევას ჩრდილო-აღმოსავლეთში. ვოლოდიმირ ზელენსკი გამოვიდა გაფრთხილებით, რომ კიევს აქვს მხოლოდ ერთი მეოთხედი საჰაერო თავდაცვის იმ საშუალებების, რომლებიც აუცილებელია ფრონტის ხაზის შესანარჩუნებლად. ეს განცხადება მან გააკეთა AFP-სთან ინტერვიუში. სააგენტო აღნიშნავს, 10 მაისს რუსეთის ჯარებმა დაიწყეს მოულოდნელი შეტევა ხარკოვის ოლქში, რის შემდეგაც ბოლო წლინახევრის განმავლობაში დაიკავეს ყველაზე დიდი ტერიტორია. ზელენსკის თქმით, რუსულმა ჯარებმა მოახერხეს 5-10 კილომეტრით წინსვლა ჩრდილო-აღმოსავლეთ საზღვრის გასწვრივ, სანამ ისინი უკრაინულმა ჯარებმა არ შეაჩერეს. ის ვარაუდობს, რომ საბრძოლო მოქმედებების გაძლიერება ხარკოვის ოლქში შესაძლოა, უფრო ფართო შეტევის "პირველი ტალღა" იყოს. "ვერ ვიტყოდი, რომ ეს დიდი წარმატებაა (რუსეთისთვის), მაგრამ ჩვენ ფხიზლად უნდა ვიყოთ და გვესმოდეს, რომ ისინი წინ მოიწევენ ჩვენს ტერიტორიაზე", - განაცხადა ზელენსკიმ და დასძინა, რომ ვითარებას ხარკოვის ოლქში ვაკონტროლებთ, მაგრამ ის არა სტაბილური. AFP-მ, ომის შესწავლის ინსტიტუტის მონაცემებზე დაყრდნობით, გამოთვალა, რომ 9 მაისიდან 15 მაისამდე რუსულმა ჯარებმა დაიკავეს 278 კვადრატული კილომეტრი, რაც, როგორც ჟურნალისტები აღნიშნავენ, ყველაზე მაღალი მაჩვენებელია 2022 წლის შემდეგ. ზელენსკიმ კვლავ მოუწოდა მოკავშირეებს საჰაერო თავდაცვის მეტი საშუალებებისა და ავიაგამანადგურებლების მიწოდებისკენ. ასევე ნახეთ ზელენსკი: ხარკოვის ოლქში რუსეთის მთავარი მიზანი ქალაქ ვოლჩანსკის დაპყრობაა ...