ორი შვეულმფრენი მშვიდობიანად დაეშვა თავრიზში, მაგრამ მესამე, რომელშიც პრეზიდენტი ებრაჰიმ რაისი, საგარეო საქმეთა მინისტრი ჰოსეინ ამირ-აბდოლაჰიანი და სხვა ოფიციალური პირები, მათ შორის ირანის პროვინცია აღმოსავლეთ აზერბაიჯანის გუბერნატორი და ადგილობრივი ოფიციალური პირები ისხდნენ, დაკარგულია, რასაც მოჰყვა მთიან და ტყიან რეგიონში მასშტაბური სამძებრო-სამაშველო ოპერაციის დაწყება, რომელიც ნისლის და სიბნელის მიუხედავად გრძელდება. ისლამური რესპუბლიკის შინაგან საქმეთა მინისტრმა აჰმედ ვაჰიდიმ დაადასტურა ცნობა და დასძინა, რომ მაშველები ცდილობენ მიაღწიონ ავარიის ადგილამდე უამინდობის პირობებში. სააგენტო IRNA იტყობინება, რომ ავარიის არეალში მივლინებულია ოცი სრულად აღჭურვილი სამძებრო-სამაშველო ჯგუფი, დრონების და მაძებარი ძაღლების ჩათვლით. ამავე ცნობით, სამძებრო სამუშაოებში დახმარების მიზნით, რეგიონში გაემართა ირანის შეიარაღებული ძალების ნაწილები, სპეცდანიშნულების რაზმის ჩათვლით. IRNA-ს კორესპონდენტის თანახმად, არეალში უგზოობის და უამინდობის, ძლიერი ნისლის გამო, სამძებრო-სამაშველო ოპერაციას შეიძლება დრო დასჭირდეს. სახელმწიფო მედიას მოჰყავს ირანის აღმოსავლეთ აზერბაიჯანის პროვინციაში "ისლამური რევოლუციის გვარდიის კორპუსის" (IRGC) მეთაურის ნათქვამი, რომლის თანახმად, აღმოჩენილია ვერტმფრენში მყოფი ერთ-ერთი მგზავრის მობილური ტელეფონის სიგნალი და რომ IRGC-ის წევრები იქით მიემართებიან, საიდანაც სიგნალი მოვიდა. три რაისი სტუმრად იყო ირანის პროვინცია აღმოსავლეთ აზერბაიჯანში. სახელმწიფო ტელევიზიის თანახმად, ავარია მოხდა დიზმარის ტყის მასივში, ვარზაღანსა და ჯულფას შორის, მეზობელი ქვეყნის, აზერბაიჯანის საზღვრის მახლობლად, თეირანიდან 600 კილომეტრში. სააგენტო Fars-მა ირანელებს მოუწოდა, “ილოცონ რაისითვის”. ირანის სახელმწიფო ტელევიზია იტყობინება, რომ მინისტრთა კაბინეტის წევრები ირანის პროვინცია აღმოსავლეთ აზერბაიჯანის მთავარი ქალაქის, თავრიზისკენ გაემართნენ. три რაისი აზერბაიჯანთან საზღვრისპირა არეალს სტუმრობდა 19 მაისს, რათა მეზობელი აზერბაიჯანის პრეზიდენტ ილჰამ ალიევთან ერთად გაეხსნა კაშხალი. ალიევმა მოგვიანებით, მას შემდეგ, რაც გავრცელდა ინფორმაცია, რომ რაისის შვეულმფრენმა ვერ მოახერხა მშვიდობიანად დაჯდომა, X-ით გაავრცელა შემდეგი განცხადება: „დღეს ირანის ისლამური რესპუბლიკის პრეზიდენტთან მეგობრული გამომშვიდობების შემდეგ, ღრმად შეგვაშფოთა ცნობამ, რომ შვეულმფრენმა ქვეყნის უმაღლესი ხელმძღვანელობით საავარიო დაჯდომა განახორციელა ირანში, - თქვა ალიევმა, - ჩვენ ვლოცულობთ ყოვლისშემძლე ალაჰის მიმართ პრეზიდენტ ებრამიჰ რაისისა და მისი თანმხლები დელეგაციისთვის. როგორც მეზობელი, მეგობარი და ძმური ქვეყანა, აზერბაიჯანის რესპუბლიკა მზად არის ყოველგვარი საჭირო დახმარების გასაწევად.“ ეს კაშხ...