19 მაისს ხარკოვის ოლქში 11 ადამიანი დაიღუპა, რის გამოც რეგიონში 20 მაისი გლოვის დღედ გამოცხადდა. ინფორმაცია ადგილობრივი სამხედრო ადმინისტრაციის მეთაურმა გაავრცელა. ამის შესახებ განაცხადა ხარკოვის საოლქო ადმინისტრაციის ხელმძღვანელმა ოლეჰ სინეგუბოვმა. მისი თქმით, დაშავებულთა შორის არის სასწრაფო დახმარების მედდა. თემის უფროსის, ოლექსანდრ გოლოლობოვის ცნობით, დარტყმა იმ ადგილზე განხორციელდა, სადაც ხალხი ისვენებდა. ყველა დაშავებული, მისი თქმით, მშვიდობიანი მოქალაქეა. თავის მხრივ, ხარკოვის მერი იჰორ ტერეხოვი იტყობინება ორი აფეთქების შესახებ ქალაქში. ტერეხოვს დეტალები არ დაუზუსტებია. დღეს დილით, ხარკოვის ოლქში რუსეთის ჯარმა დაბომბა სოფელი ნოვოოსინოვოე. ადგილობრივი ხელისუფლების ინფორმაციით, ზალპური ცეცხლის სამიზნე გახდა სოფლის ოთხი ქუჩა. ექვსი ადამიანი დაიღუპა და სულ მცირე 27 დაშავდა მალოდანილოვსკის სასოფლო თემისთვის ცეცხლის დაშენის შედეგად, იტყობინება ადგილობრივი ხელისუფლება. რუსეთის ჯარები შეტევას ახორციელებენ ხარკოვის ოლქში. რუსეთის თავდაცვის სამინისტროს ცნობით, მათ კონტროლი მოიპოვეს რამდენიმე დასახლებულ პუნქტზე. ოლქის რამდენიმე რაიონიდან მიმდინარეობს მოსახლეობის ევაკუაცია. ბოლო მონაცემებით, რუსული შეტევის დაწყებიდან, 10 ათასზე მეტმა ადამიანმა დატოვა თავიანთი სახლები. როგორც ომის შემსწავლელი ამერიკული ინსტიტუტი აღნიშნავს თავის ყოველდღიურ მიმოხილვაში, ბოლო დროს რუსულმა ჯარებმა გააძლიერეს ძალისხმევა ოპერატიული თვალსაზრისით მნიშვნელოვანი ქალაქის, ჩასოვ-იარის დასაპყრობად. ამავდროულად, უკრაინის პრეზიდენტმა ვოლოდიმირ ზელენსკიმ 18 მაისის ვიდეომიმართვაში განაცხადა, რომ უკრაინის შეიარაღებულმა ძალებმა შეძლეს ქალაქზე თავდასხმის მოგერიება. რუსეთის არმია, სავარაუდოდ, ემზადება შეტევითი ოპერაციის მეორე ფაზისთვის ხარკოვის ოლქის ჩრდილოეთში, რომლის დაწყებასაც, როგორც ჩანს, აპირებენ ვოლჩანსკის შესაძლო აღების შემდეგ, აღნიშნავენ ინსტიტუტის ანალიტიკოსები. ექსპერტების აზრით, ვოლჩანსკის აღება საშუალებას მისცემს რუსეთის არმიას, განიხილოს შემდგომი მოქმედებების რამდენიმე ვარიანტი, მათ შორის, კუპიანსკის რაიონის დამცველი უკრაინული დაჯგუფების ზურგში მოქცევის მცდელობა. ასევე ნახეთ ზელენსკი: ხარკოვის ოლქში რუსეთის მთავარი მიზანი ქალაქ ვოლჩანსკის დაპყრობაა ...